ކަނޑު ވިއްކުމާ ދެކޮޅު ޖަލްސާގެ ޝަރަފްވެރި ގޮނޑި ޚާއްސަ ކޮށްފައިވަނީ އިދިކޮޅު ޕްރޮގްރެސިވް ކޯލިޝަންގެ ރިޔާސީ ކެނޑިޑޭޓު ރައީސް ޔާމީނަށް ކަމުގައި ޕްރޮގްރެސިވް ކޯލިޝަނުން ބުނެފިއެވެ.
ރާއްހޭގެ އިޤްތިޞާދީ ބައެއް ގެއްލޭ ގޮތަށް އޮޓްލޮސްގައި ނިންމި ނިންމުމާއި، ރައީސް އިބްރާހިމް މުހައްމަދު ޞާލިޙު ފޮނުވި ސިއްރު ސިޓީއާއި ގުޅިގެން ކަންބޮޑުވުން ވާޅުކޮށް އިދިކޮޅު އިއްތިހާދުން ރޭ ބޭއްވި ޖަލްސާގައި އެންމެ ޝަރަފުވެރި ގޮނޑި ޕީޕީއެމްގެ ރައީސް އަދި އެ ޕާޓީގެ ރިޔާސީ ކެންޑިޑޭޓު ރައީސް ޔާމީނަށް ވަނީ ޚާއްޞަކޮށްފައެވެ،
މިޖަލްސާގައި ކޯލިޝަންގައި ހިމެނޭ ބައިވެރިންނާއި، ސިޔާސީ ޕާޓީތަކުގެ އިސް ވެރިން ވަނީ ބައިވެރިވެފައެވެ. ނަމަވެސް ފެނިގެން ގޮސްފައިވަނީ ޖަލްސާ ފެށިގެން ނިމެންދެންވެސް ޖަލްސާގެ ޝަރަފްވެރި ގޮޑި ރައީސް ޔާމީންގެ ނަންފުޅު ޖަހާގައި ހުސްކޮށް ބަހައްޓާފައި ހުރިތަނެވެ.
އިދިކޮޅު ކޯލިޝަންގެ ފަރާތުން މިކަމާއި ގުޅޭގޮތުން ވިދާޅުވީ މިއީ ޑިމޮކްރެސީގެ ރީތި މިސާލު އޭގެ ޅަފަތުގައި އޮތް މިގައުމުން ފިލައިގެން ނުދާކަމުގެ ޔަގީންކަން ލިބިގެން ދިޔަ ކަމެއްކަމަށެވެ. ޖަލްސާގެ އެންމެ ޚާއްސަ ގޮޑި އަދި ޝަރަފްވެރި މަޤާމް ރައީސް ޔާމީނަށް ޚާއްސަ ކުރީ ކަނޑު ވިއްކާލުމާ ދެކޮޅު ކޯލިޝަންގައި ހިމެނޭ ހުރިހާ ޕާޓީތަކާ އަދި މިނިވަން ބޭބޭފުޅުންގެ ވެސް އިއްތިފާގުވުމުން ކަމަށް ޕްރޮގްރެސިވް ކޯލިޝަން ވަނީ ބުނެފައެވެ.
އެގޮތުން ކަނޑު ވިއްކުމާ ދެކޮޅަށް, ނުހައްގު ހުކުމެއްގައި ހުންނަވައިގެންވެސް އިސްނަންގަވާ ޤައުމުގެ ޙައްޤުގައި އެންމެ ފުރަތަމަވެސް ނިކުމެވަޑައިގެންނެވީ އެމަނިކުފާނުކަން އެހުރިހާ ވޭފުޅުންވެސް ޤަބޫލުކުރައްވާކަމަށެވެ.
މިޖަލްސާގައި އިދިކޮޅު ކޯލިޝަނުން ވަނީ ދެ ކަމަކަށް އެއްބަސް ވެފައެވެ. އެގޮތުން ދިވެހި ސަރުކާރުން ރާއްޖޭގެ ކަނޑު ވިއްކާލާފައިވާ ކަމަށާއި، އަދި 98 ދުވަސް ފަހުން, މިހާރު އޮތް ސަރުކާރު ބަދަލުކުރަން ޖެހޭ ކަމަށް ވަނީ އެއްބަސް ވެފައެވެ.
