ފުޅާ ދާއިރާއެއްގައި ހަށި ވިއްކަމުގެ ތުހުމަތުގައި ހައްޔަރު ކޮށްފައިވާ 13 މީހުންގެ ބަންދަށް ކުރިމިނަލް ކޯޓުން 15 ދުވަސް ޖަހައިފިއެވެ.
ފުލުހުންގެ ފަރާތުން ހާމަ ކޮށްފައިވަނީ މި މީހުން ހައްޔަރު ކޮށްފައިވަނީ މިމީހުން ފުޅާ ދާއިރާއެއްގައި ހަށިވިއްކަމުން ދާކަމަށް ލިބުނު އިންޓެލިޖެންސް މައުލޫމާތަކާއި ގުޅިގެން ހިންގި އޮޕަރޭޝަނެއްގައި ކަމުގައެވެ. މި އޮޕަރޭޝަން ހިންގާފައިވަނީ ރާވައިގެން ހިންގާ ކުރިމިނަލް ނެޓްވާކަކާއި ދެކޮޅަށް، ފުލުހުންގެ އެންޓި ހިއުމަން ޓްރެފިިކިން ޑިޕާޓްމަންޓާއި އިންޓެލިޖެންސް އަދި އިމިގްރޭޝަންއިން ގުޅިގެން ކަމަށްވެސް ފުލުހުން ބުނެފައި ވެއެވެ.
މި އޮޕަރޭޝަންގައި މާލޭގެ 4 ތަނެއް ބަލާފާސްކޮށް 13 މީހަކު ހައްޔަރު ކޮށްފައި ވެއެވެ. މީގެ ތެރޭގައި ހިމެނެނީ ބަންގްލަދޭޝްގެ 8 ފިރިހެނަކާއި، އެގައުމުގެ އަންހެނެއްގެ އިތުރުން ތައިލެންޑްގެ 4 އަންހެނުންނެވެ.
ފުލުހުން ބުނެފައިވަނީ މިމައްސަލަ ދަނީ ތަހުގީގު ކުރަމުން ކަމުގައެވެ.
