ކ. ހިންމަފުށީގައި ހުންނަ އައްސޭރި ޖަލަށް ވައްދަން މަސައްކަތް ކުރި މަސްތުވާތަކެއްޗާއެކު ޖަލު އޮފިސަރެއް ހައްޔަރުކޮށްފިއެވެ.
ކޮމިޝަނަރ އޮފް ޕްރިޒަންސް އަޙްމަދު މުޙައްމަދުފުޅު ވިދާޅުވީ، އިންޓެލިޖަންސްއަށް ލިބުނު މަޢުލޫމާތަކާއި ގުޅިގެން ދިވެހި ފުލުހުންގެ ޚިދުމަތާއި، މޯލްޑިވްސް ކަރެކްޝަނަލް ސަރވިސް ގުޅިގެން ހިންގި އޮޕަރޭޝަނެއްގައި އައްސޭރިޖަލަށް ވައްދަން މަސައްކަތް ކުރި މަސްތުވާތަކެތި، އެ ސަރވިސްގެ އޮފިސަރަކާއި އެކު އަތުލައިގަނެވިފައިވާކަމަށެވެ. އަދި އެ އޮފިސަރު ފުލުހުން ހައްޔަރުކޮށްފައިވާއިރު، ކަރެކްޝަނަލް ސަރވިސްގެ ޚިދުމަތުންވެސް އޭނާ ސަސްޕެންޑްކޮށްފައިވާކަމަށް ކޮމިޝަނަރ ވިދާޅުވިއެވެ.
ކޮމިޝަނަރ ވަނީ މިފަދަ ކަންކަމުގައި މަދުންނަމަވެސް ޖަލު ބަލަހައްޓާ އޮފިސަރުން ބައިވެރިވާކަން ފާހަގަކުރައްވާ އެކަމުގެ ކަންބޮޑުވުން ފާޅުކުރައްވާފައެވެ. ހައްޔަރު ކުރި އޮފިސަރުގެ ވަނަވަރެއް ކަރެކްޝަނުން ހާމައެއް ނުކުރެއެވެ.
އިންޓެލިޖަންސްއަށް ލިބުނު މަޢުލޫމާތަކަށް ދިވެހި ފުލުހުންގެ ޚިދުމަތާ މި ސަރވިސް ގުޅިގެން ހިންގި އޮޕަރޭޝަނެއް ގައި އައްސޭރިޖަލަށް ވައްދަން މަސައްކަތް ކުރި މަސްތުވާތަކެތި ވަނީ މި ސަރވިސްގެ އޮފިސަރަކާއި އެކު އަތުލައިގަނެވިފައި. މި އޮފިސަރު ފުލުހުންވަނީ ހައްޔަރުކޮށްފައި އަދި އޭނާ 1/2
— Ahmed Mohamed (@ahumadhumohamed) May 12, 2023
ރާއްޖޭގައި ހިންގާ ޖަލުތަކަށް ޤަވާއިދާ ޚިލާފަށް އެއްޗެހި ވެއްދުމާއި، އެނޫންވެސް ގޮތްގޮތުން ޤާނޫނާ ޚިލާފުވާ ޖަލު އޮފިސަރުންނާ ދެކޮޅަށް އޮޕަރޭޝަން ހިންގައި މީގެ ކުރިން ބައެއް އޮފިސަރުން ހައްޔަރުކޮށްފައިވެއެވެ.
ކޮމެންޓު ފޮނުވާ