އާބަންކޯގެ ތިލަފުށިން، 228 މިލިއަން ރުފިޔާއަށް ބޮޑު ދެ ބިމެއް ވިލާ ޝިޕިން ކުންފުނިން ގަނެފިއެވެ.
ތިލަފުށިން ވިލާ ޝިޕިން ކުންފުނިން ގަތް އެއް ބިމުގައި ބޮޑު މިނުގައި 393،212 އަކަ ފޫޓު ހުންނައިރު ދެވަނަ ބިމުގެ ބޮޑު މިނުގައި 156،693 އަކަ ފޫޓު ހުރެއެވެ.
މި ދެ ބިމުގެ އަގު ކަމުގައިވާ 228 މިލިއަން ރުފިޔާ ވިލާއިން އާބަންކޯއަށް ދެއްކުމަށްފަހު ބިމުގެ މިލްކުވެރިކަން ސާބިތުކޮށް، ސިވިލްކޯޓުން އިއްޔެވަނީ މި ދެބިން ވިލާ ކުންފުންޏަށް މިލްކުވެފައިވާކަމަށް ހުކުމްވެސް ކޮށްފައެވެ.
ތިލިފުށިކޮށް ބިންހިއްކުމުގެ މަސައްކަތް މިހާރުވެސް ކުރިޔަށް ދާއިރު، ބީލަމުގެ އުސޫލުން ސިނާއީ މަސައްކަތްތަކަށް ބިން ވިއްކުމަށް އެންމެ ފަހުން އިއުލާން ކޮށްފައިވަނީ މިއަހަރު ކުރީ ކޮޅުއެވެ.
ޖުމުހޫރީ ޕާޓީގެ ލީޑަރު ގާސިމް އިބުރާހިމްގެ ވިލާ ކުންފުނީގެ މިލްކުވެރިކަމުގައި މިހާރުވެސް ތިލަފުށީގެ ބައެއް ބިންތައް އެބަހުއްޓެވެ.
