ވަގު ޑޮލަރު ބޭނުން ކޮށްގެން އައި ފޯނެއް ގަތްމީހަކު ޖަލަށްލާން ކުރިމިނަލް ކޯޓުން ހުކުމް ކޮށްފިއެވެ.
މިމައްސަލާގައި ޖަލަށްލާން ހުކުމް ކޮށްފައިވަނީ ސ. ހުޅުދޫ ސީވޭވް އަބުދުﷲ ނަޝީދު ކިޔާ މީހެކެވެ. ދައުލަތުން އޭނާގެ މައްޗަށް އުފުލި ދައުވާއަކީ ފާއިތުވި އަހަރުގެ ނޮވެމްބަރުމަހުގެ 14 ވަނަ ދުވަހުގެ ރޭގެ މެންދަމު 12:20 ހާއިރު ފޭސްބުކުއިންނާއި އައިބޭއިން މުއާމަލާތު ކޮށްގެން ފޯން ވިއްކި މީހާއާއި ގުޅައި ވާހަކަ ދައްކައިގެން އޭނާގެ އަތުން އައިފޯން 14 ޕްރޯ މެކްސްއެއް ގަތުމަށް ރެހެންދި ފްލެޓް ކައިރިއަށް އައުމަށް އެދުނު މައްސަލާގައެވެ.
ދަައުވާގައި ބުނެފައިވަނި ފޯނު ވިއްކި ފަރާތުން ފޯނު ހަވާލު ކުރުމަށް ރެހެންދި ފްލެޓް ކައިރިއަށް ދިއުމުން ނަޝީލް އޭނާއާއި 1،500 ޑޮލަރު ހަވާލު ކުރި ކަމަށާއި އެހެންނަމަވެސް އެއީ ސައްޙަ ނޫން ޑޮލަރުކަމަށް ސާބިތުވާ ކަމަށެވެ. މި ކުށުގެ ދައުވާއެއްގެ ގޮތުން ދައުލަތުން އޭނާގެ މައްޗަށް ކޮށްފައިވަނީ ގާނޫނުލްއުގޫބާތުގެ ދަށުން އެގިހުރެ ސައްޙަނޫން ލިޔުމެއް ދިންކަމުގެ ކުށުގެ ދައުވާއެވެ.
މި ދައުވާގެ ޝަރީއަތުގެ އިބުތިދާއީ އަޑުއެހުމުގައި ނަޝީލްވަނީ ދައުވާއަށް އިއުތިރާފްވެސް ވެފައެވެ. އަދި ނަޝީލް އިއުތިރާފަކީ ސައްޙަ އިއުތިރާފެއްކަން ކަށަވަރު ކުރުމަށް ކަން ހިގައިދިޔަ ގޮތް ކިޔައިދުނިމަށް ކޯޓުން އޭނާގެ ގާތުން އެދިފައިވެއެވެ. އޭނާގެ ކިޔައިދިން ގޮތާއި ކުށުގެ ދައުވާއާއި ދިމާވާތީ އެއީ ސައްހަ އިއުތިރާފެއްކަމަށް ގާޒީން ނިންމެވިއެވެ.
މިގޮތުން އަދަބު ކަނޑައެޅުމުގެ މަރުހަލާގައި ދެފަރާތުންވެސް ދެއްކި ވާހަކައަށް ރިއާޔަތް ކުރުމަށްފަހު ގާޒީ ހުކުން ކޮށްފައިވަނީ ކުށުގެ އަދަބެއްގެ ގޮތުން 29 ދުވަހާއި 10 ގަަޑިއިރާއި 44 ގަޑިއިރަށް ނަޝީލް ބަންދު ކޮށްފައިވާތީ އެދުވަސްތައް އަދަބުން އުނިކުރުމަށްފަހު 9 މަހާއި 12 ދުވަހަށް ޖަލަށް ލުމަށެވެ. އަދި އޭގެ އިތުރުން 480 ގަޑިއިރު އޭނާ މުޖުތަމަޢަށް ޚިދުމަތް ކުރަން ޖެހޭނެކަމަށްވެސް ހުކުމުގައި ލިޔެފައި ވެއެވެ.
