ރ. އިނގުރައިދޫ ފަޅަށް ވަންނަމުން ދިޔަ ސަފާރީއެއްގެ ބުރަފަތީގައި އޮޅިފައި އޮތް ވަލެއް ނެއްޓުމަށް މޫދަށް ފޭބި މީހަކު ސަފާރީގެ ބުރަފަތީގައި ޖެހި މަރުވެއްޖެއެވެ.
ރ. އިނގުރޫދޫއިން "ޚަބަރު އޮންލައިން"އަށް މައުލޫމާތު ދިން މީހަކު ކިޔައިދިން ގޮތުގައި، މިއަދު އިރު އޮއްސުމާއި ގާތްވެފައި ވަނިކޮށް ހިނގި މިހާދިސާ ހިނގުމާއެކު މޫދަށް ފޭބި މީހާ އެރަށުގެ ސިއްޙީ މަރުކަޒަށް ގެންގޮސް ފަރުވާ ދީފައިވާ ކަމުގައެވެ.
މައުލޫމާތު ލިބިފައިވާ ގޮތުގައި މި ހާދިސާގައި މަރުވެފައިވަނީ ރ. ރަސްގެތީމަށް ނިސްބަތްވާ މީހެކެވެ.
ފުލުހުންގެ މީޑިއާ އޮފިޝަލަކު މިރޭ ވިދާޅުވީ އިނގުރައިދޫ ފަޅަށް ވަންނަން އުޅުނު ސަފާރީއެއްގެ ބުރަފަތީގައި ވަލެއް އޮޅިގެން ނައްޓަން ފޭބި މީހަކު ގައިގައި ބުރަފަތިން ޖެހިގެން އެމީހާ އަށް އަނިޔާވި ކަމުގެ ރިޕޯޓު ލިބިފައި ވަނީ މިއަދު އިރުއޮއްސި ހައެއް ޖަހާންކަން ހާއިރު ކަމަށެވެ.
