ޖަރުމަނު ފޯވާޑް މާރިއޯ ގޮޓްޒޭ ޕީއެސްވީ އެއިންދޯވަނަށް ބަދަލުވެއްޖެއެވެ.
އުމުރުން 28 އަހަރުގެ ފޯވާޑް ޕީއެސްވީއަށް ބަދަލުވީ ހިލޭ ޓްރާންސްފާއެއްގެ ދަށުންނެވެ. އޭނާ ވަނީ ކުލަބާއެކު ދެ އަހަރުގެ އެއްބަސްވުމެއް ހަދާފައެވެ.
މީގެ ކުރިން ބަޔާން މިއުނިކަށްވެސް ކުޅުނު ގޮޓްޒޭ ޕީއެސްވީއަށް ބަދަލުވެފައެވެ. އެގޮތުން މިދިޔަ ސީޒަނުގައި ޑޯޓްމުންޑަށް ކުޅެދިން 21 މެޗުގައި އޭނާއަށް ކާމިޔާބުކުރެވިފައިވަނީ އެންމެ ތިން ލަނޑެވެ.
އޭނާ ވަނީ ޑޯޓްމުންޑުގެ އިތުރުން ބަޔާނާއެކު ޖަރުމަން ލީގު ޖުމްލަ ފަސް ފަހަރު ކާމިޔާބުކޮށްފައެވެ. އަދި ވަނީ ބަޔާނާއެކު ޔުއެފާ ސުޕަ ކަޕާއި ފީފާ ވޯލްޑް ކަޕުވެސް ކާމިޔާބުކޮށްފައެވެ.
ޖަރުމަނަށް 2014 ވަނަ އަހަރުގެ ވޯލްޑް ކަޕް ކާމިޔާބުކޮށްދިން ގޮޓްޒޭ ވަނީ ޖަރުމަނުގެ ގައުމީ ޓީމަށް ކުޅުނު 63 މެޗުގައި 17 ލަނޑު ޖަހާފައެވެ. އެކަމަކު އޭގެ ފަހުން 2018 ވަނަ އަހަރު އޮތް ވޯލްޑް ކަޕަށް ޖަރުމަނުން ގޮޓްޒޭ ނަގާފައެއް ނުވެއެވެ. ޖަރުމަނަށް 2014 ވަނަ އަހަރުގެ ފީފާ ވޯލްޑް ކަޕް ކާމިޔާބުކޮއްދިން ތާރީހީ ލަނޑު ޖަހައިދިން ކުޅުންތެރިޔަކީ ގޮޓްޒޭއެވެ.
