އަންނަ އޮގަސްޓްމަހުގެ ތެރޭގައި މި ސަރުކާރުގެ ފްލެޓްތަކަށް މީހުންނަށް ވަދެވޭނެ: ފައްޔާޒް

މި ސަރުކާރުން ހެދި ފްލެޓްތަކަށް އަންނަ އޮގަސްޓް މަހުގެ ތެރޭ މީހުން ވެއްދުމަށް މަސައްކަތް ކުރަމުން އަންނަކަމަށް އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެއެވެ.

މި ސަރުކާރުގެ ފުރަތަމަ ބޯހިޔާވަހިކަމުގެ ސްކީމުގެ ދަށުން ހުޅުމާލެ ފޭސް 2ގައި 4،000 ހައުސިން ޔުނިޓް ހެދުމުގެ މަސައްކަތް ދަނީ ކުރިއަށެވެ. އެ ޔުނިޓްތައް ހަދަނީ 18 ބުރީގެ 32 ޓަވަރުގެ ގޮތުގައެވެ.

އެ މަސައްކަތް ހަވާލުކޮށްފައި ވަނީ އިންޑިއާގެ ދެ ކުންފުންޏެއް ކަމަށްވާ ނޭޝަނަލް ބިލްޑިންސް ކޮންސްޓްރަކްޝަން ކުންފުނި (އެންބީސީީސީ)އާއި ޖޭއެމްސީ ޕްރޮޖެކްޓްސް އާއި އެވެ. ޑިޒައިންކޮށް, ފައިނޭންސް ކޮށް, އިމާރާތްކުރާ ގޮތަށް އެއިން ކޮންމެ ކުންފުންޏަކުން 2000 ހައުސިން ޔުނިޓު އިމާރާތް ކުރާނެ އެވެ.

ރައީސް އޮފީހުގައި ރޭ ބޭއްވި ނޫސްވެރިންގެ ބައްދަލުވުމެއްގައި ފައްޔާޒު ވިދާޅުވީ މަސައްކަތް ކުރަމުން ދަނީ ހައުސިން ޓަވަރުތަކުގެ ސްޓްރަކްޗާ އޮގަސްޓް މަހާ ހިސާބަށް ނިންމައި، އެ މަސް ތެރޭގައި އޭގެ ތެރެއިން އަށް ޓަވަރަކަށް މީހުންނަށް ވަދެވޭވަރު ކުރުން ކަމަށެވެ