ލ. އަތޮޅު ގަމާއި އެ ރަށާއި ގުޅިފައި އޮންނަ ފޮނަދޫ ރައްޔިތުންނަށް ލަގްޒަރީ ހޮޓަލެއް އިމާރާތްކޮށްދިނުމަށް މަޝްހޫރު ވިޔަފާރިވެރިޔާ ޗަންޕާ މުހައްމަދު މޫސާ (އުއްޗު) ހުށަހަޅުއްވައިފިއެވެ.
ޗަންޕާ މުހައްމަދު މޫސާގެ ފަރާތުން ގަމާއި ފޮނަދޫ ކައުންސިލަށް ފޮނުވާފައިވާ ސިޓީގައި ބުނެފައި ވަނީ ރައްޔިތުންނާއި ބައިވެރިވެގެން އެދެރަށުގައި ލަގްޒަރީ 2 ހޮޓާ އެޅުމަށް އޭނާ ސައުގުވެރިވެ ވަޑައިގަންނަވާ ކަމަށާއި އެކައުންސިލުތަކުން ސައުގުވެރިވާނަމަ އެކަން ލިޔުމަކުން މުހައްމަދު މޫސާގެ އިދާރީ އޮފީހަށް އެންގެވުމަށެވެ.
ފޮނަދޫ ކައުންސިލުން ބުނީ އުއްޗުގެ ފަރާތުން އެފަދަ ހުށަހެޅުމެއް ލިބިފައިވާތީ އެކަމާ ގޮތެއް ނިންމައި ވަރަށް އަވަހަށް އުއްޗުގެ ޗަމްޕާ ބްރަދާސް އަށް ޖަވާބެއް ދޭނެ ކަމަށެވެ.
ގަމު ކައުންސިލަށް ވެސް ޗަންޕާރ ފަރާތުން ވަނީ ލަގްޒަރީ ހޮޓަލެއް ރައްޔިތުންނާއި ހިއްސާވެގެން ހެދުމަށް ހުށަހަޅުއްވާފައެވެ.
