މިއަދަކީ ދިވެހި މަސްވެރިންނަށް ކަޅު ދުވަހެއް ކަމަށާއި، ޤައުމަށް ޣައްދާރުވި މީހުން ބާލަން ޖެހޭކަމަށް ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.

އޭނާ މިހެން ވިދާޅުވީ ރާއްޖޭގެ ކަނޑުގެ ސަރަހައްދުން ބައެއް ގެއްލޭގޮތަށް ރާއްޖެއާއި މޮރިޝަސްގެ ކަނޑުގެ ސަރަޙަދުން ފުށުއަރާ ސަރަޙައްދުގެ އިން ވަކި ކުރުމުގެ މައްސަލާގައި އިޓްލޮސް އިން މިއަދު ކުރި ހުކުމަކީ ސަރުކާރަށް ލިބުނު ކާމިޔާބީއެއްކަމަށް ސަރުކާރަށް ތާއީދު ކުރާ ފަރާތްތަކުން ބަމުންދާތީ ކުރެއްވި ޓުވީޓެއްގައެވެ.

ޝިޔާމް ވިދާޅުވީ މިއަދަކީ ދިވެހި ތާރީހުގައި މަސްވެރިންނަށް ވަރަށްވެސް ކަޅު ދުވަހެއް ކަމަށެވެ. މީގެ ކުރިން ދިވެހި މަސްވެރިން ރާއްޖޭގެ ދެކުނުން ކަނޑުގެ ސަރަހައްދުގައި މަސްވެރިކަން ކުރުމަށް ނިކުމެ އުޅުނު ނަމަވެސް މިއަދަށްފަހު އެކަން ނިމުމަކަށް އައީކަމަށެވެ. މިނިންމުމަކީ މަސްވެރިންނަށް ތާއަބަދަށް ލިބިގެންދިޔަ ބޮޑު ގެއްލުމެއްކަމަށް ޝިޔާމް ވިދާޅުވިއެވެ.

ދިވެހި ރާއްޖޭގެ މަސްވެރިންނަށް މިއަދަކީ ކަޅު ދުވަހެއް. މިއަދުން ދެށިގެން މަސްވެރިން ކުރީގައި ރާއްޖޭގެ ދެކުނުން މަސްބޭނި ހިސާބަކަށް ދެން ދަތުރެއް ނުކުރެވޭނެ. އެކަނޑުގައި ދެން ހަރަކާތްޔެރިވާނީ މޮރިޝަސް އިން ލައިސަންސް ވިއްކާ ވިލާތުގެ ދާއަޅާ ބޯޓުފަހަރު. ޣައްދާރުން ބާލަންޖެހޭ.

– ޝިޔާމް ވިދާޅުވިއެވެ.

ދިވެހި ރާއްޖޭގެ މަސްވެރިންނަށް މިއަދަކީ ކަޅު ދުވަހެއް. މިއަދުން ދެށިގެން މަސްވެރިން ކުރީގައި ރާއްޖޭގެ ދެކުނުން މަސްބޭނި ހިސާބަކަށް ދެން ދަތުރެއް ނުކުރެވޭނެ. އެކަނޑުގައި ދެން ހަރަކާތްޔެރިވާނީ މޮރިޝަސް އިން ލައިސަންސް ވިއްކާ ވިލާތުގެ ދާއަޅާ ބޯޓުފަހަރު. ޣައްދާރުން ބާލަންޖެހޭ. pic.twitter.com/abTsrjQEGa

— Ahmed Shiyam (@Shiyamaldives) April 28, 2023

ކަނޑުގެ ސަރަހައްދުގެ މައްސަލާގައި މޮރިޝަސް އިން ރާއްޖެއާ ދެކޮޅަށް ހުށަހަޅާފައިވާ މައްސަލައިގެ އަޑުއެހުންތައް މިދިޔަ އަހަރު ވަނީ ނިންމާލައި މިއަދު ވަނީ ހުކުމް ކޮށްފައެވެ. މިމައްސަލާގައި ހުކުމް އައިިގޮތުން ރާއްޖޭގެ ކަނޑުން 44،000 އަކަކިލޯމީޓަރު ނުވަތަ 50،000 44،000 އަކަކިލޯމީޓަރ ގެއްލިގެން ގޮސްފައިވާކަމަށް ދަނީ ބުނަމުންނެވެ.

އެ މައްސަލަ ޓްރައިބިއުނަލްގައި އޮތުމުން ރާއްޖެ އިން ވަނީ ޗާގޯސް އައިލެންޑްސްގެ މައްސަލާގައި މޮރިޝަސްއާ އެއްކޮޅަށް އދ. ގައި ވޯޓު ދޭން ނިންމައިފައެވެ. އޭގެ ކުރިން ޗާގޯސްގެ މައްސަލާގައި މޮރިޝަސް އާއި އިނގިރޭސި ވިލާތާ ދެމެދު އުފެދިފައިވާ މައްސަލާގައި ރާއްޖެ އޮތީ މޮރިޝަސްއާ ދެކޮޅަށެވެ.

އެކަމަކު މިދިޔަ އަހަރު ރާއްޖޭގެ ސްޓޭންޑް ބަދަލުކޮށް، މޮރިޝަސްއާ އެއްކޮޅަށް ވޯޓު ދޭން ނިންމުމުން ރާއްޖޭގެ ކަނޑުގެ ސަރަހައްދުގެ ބައެއް ދޫކޮށްލަން ސަރުކާރުން އެއްބަސްވީ ކަމަށް ބުނެ ގިނަ ފާޑުކިޔުންތަކެއް އަމާޒުވި އެވެ. އެކަމަކު ސަރުކާރުން ބުނެފައިވަނީ ކަނޑުގެ ބައެއް އޭގެ ސަބަބުން ނުގެއްލޭނެ ކަމަށެވެ. ޗާގޯސްއަކީ އިނގިރޭސި ވިލާތުން އެމެރިކާ އަށް ކުއްޔަށް ދިނުމުން އެމެރިކާ އިން މިހާރު އަސްކަރީ މަރުކަޒެއް ގާއިމް ކޮށްފައިވާ ތަނެވެ. އެތަނުގެ މިލްކުވެރިކަމުގެ މައްސަލާގައި އިނގިރޭސި ވިލާތާއި ޗާގޯސްއާ ދެމެދު އަބަދުވެސް ހިޔާލު ތަފާތުވެފައި ވެއެވެ.