"ކޮތަޅު"ގެ ނަމުގައި އިދިކޮޅު ޕީޕީއެމްއިން ބޭއްވުމަށް އެންމެ ފުރަތަމަ ހަމަޖެއްސި ހާއްސަ ޖަލްސާގެ ނަން "ޗަ ގޯސް"އަށް ބަދަލުކޮށްފިއެވެ. މިގޮތުން އަންނަ ހުކުރު ދުވަހުގެ ރޭ އާރޓިފިޝަލް ބީޗުގައި ބޭއްވުމަށް ހަމަޖައްސާފައިވާ މިޖަލްސާ މިހާރު އިއުލާން ކޮށްފައިވަނީ "ޗަ ގޯސް" މި ނަމުގައެވެ.
މި ޖަލްސާ އެންމެ ފުރަތަމަ "ކޮތަޅު"ގެ ނަމުގައި އިއުލާން ކުރުމަށްފަހު އިދިކޮޅު ޕީއެންސީގެ ނައިބް ރައީސް އިބްރާހިމް ޝުޖާ ވިދާޅުވެފައިވަނީ ތަކެތީގެ އަގު އިންތިހާއަށް ބޮޑުވެ ރައްޔިތުން ނިކަމެތި ހާލެއްގައި ތިބި މިދަނޑިވަޅުގައި ސަރުކާރަށް އިތުރު ފައިސާ ހޯދުމަށް ރައްޔިތުން ގަންނަ ތަކެތި އަޅަން ގެންގުޅޭ ކޮތަޅުން ޓެކްސް ނެގުމަކީ ރައްޔިތުން އިތުރަށް ނިކަމެތި ކުރުންކަމުގައެވެ.
މިކަމާއި ދެކޮޅު ހެދުމުގެ ގޮތުން ”ކޮތަޅު“ ނަމުގައި ޕީޕީއެމްގެ ފަރާތުން ބާއްވާ ޚާއްޞަ ޖަލްސާ 28 އެޕްރީލް 2023 ވާ ހުކުރު ދުވަހުގެރޭ 08:30ގައި އާރޓިފިޝަލް ބީޗްގައި އޮންނާނެ ކަމަށް އެންމެ ފުރަތަމަ އިއުލާން ކޮށްފައި ވެއެވެ.
އެހެންނަމަވެސް ޖަލްސާގެ ނަން މިހާރު ބަދަލު ކޮށްފައިވާއިރު، ޗަ ގޯސްއާއި ރާއްޖޭގެ ކަޑުގެ އިމާއި ގުޅޭގޮތުން ބައިނަލް އަގުވާމީ ކޯޓުގައި މިހާރު ކުރިޔަށްދާ މައްސަލަ މާދަމާ ނިންމުމަށް ވަނީ ހަމަޖެހިފައެވެ.
