ސޮޝަލް މީޑިއާ މެދުވެރިކޮށް ވަގު ޑޮލަރު އިޝްތިހާރުކޮށް ވިއްކާ މައްސަލަ، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ފުލުހުންނަށް ހުށަހަޅައިފިއެ ވެ.
މަަރުކަޒީ ބޭންކުން ބުނީ ވަގު ޑޮލަރު އިޝްތިހާރުކޮށް ވިއްކާ މައްސަލަ އެ އޮތޯރިޓީގެ ސަމާލުކަމަށް އައުމާ ގުޅިގެން އެކަން ބަލައިދިނުމަށް ފުލުހުންނަށް މިހާރު ހުށަހަޅާފައިވާ ކަމަށެވެ.
ސޯޝަލް މީޑިއާ މެދުވެރިކޮށް ވަގު ޑޮލަރު ވިއްކާ، އިޝްތިހާރު ކުރާ މައްސަލަތައް ދޭތެރެދޭތެރެއިން ފެންމަތިވާކަމަށާއި، އެގޮތުން ވިއްކަމުން އަންނަ ޑޮލަރުގެ ކޮލިޓީ އަސްލު ޑޮލަރާއި އެއްވެސް ތަފާތެއް ނެތް ކަމަށް ބުނެ އިޝަތިހާރު ކުރަމުންދާކަމަށްވެސް މަރުކަޒީ ބޭންކުން ބުނެފައިވެއެވެ.
އެނގިފައިވާ ގޮތުގައި މި މިފަހަރު ދައުރުކޮށް ވިއްކަނީ އުތުރު ކޮރެއާގައި ތައްޔާރުކޮށްފައިވާ އެމެރިކާގެ 100 ޑޮލަރުގެ ނޫޓްތަކެކެވެ.
