ކުރިއަށް އޮތް ރިޔާސީ އިންތިޚާބުގައި ރައީސް އިބްރާހިމް މުހައްމަދު ޞާލިހު އެއްބުރުން ވެރިކަމަށް ގެނައުމަށް ރައްޔިޔުން ތައްޔާރަށް ތިބިކަން ނިމިދިޔަ ގުރައިދޫ ދާއިރާގެ އިންތިޚާބުން ސާފުވެގެން ގޮސްފައިވާކަމަށް ވެރިކަން ކުރާ ކޯލިޝަންގައި ހިމެނޭ އަދާލަތު ޕާޓީގެ ތަރުޖަމާން އަލީ ނަޒީރު ވިދާޅުވެއްޖެއެވެ.
ގުރައިދޫ ދާއިރާގެ ގޮޑި އެމްޑީޕީން ކާމިޔާބު ކުރުމާއި ގުޅިގެން މަރުހަބާ ދަންނަވައި ނަޒީރު ވިދާޅުވީ ޒަމާންތަކެއް ވަންދެން އިދިކޮޅު ފިކުރުގައި ތަމްސީލް ކުރަމުންދިޔަ ގޮޑިއެއް އެމްޑީޕީއަށް ދިނުމުން، ސާފުވެގެން ގޮސްފައިވަނީ މިހާރު ރައްޔިތުން އެދޭގޮތާއި ތިބިގޮތްކަމަށެވެ. ރާއްޖޭގެ ރައްޔިތުން މިއަދު ތިބީ ރައީސް އިބްރާހިމް މުހައްމަދު ޞާލިހަށް ރިޔާސީ ދެވަނަ ދައުރެއް ދޭން ތައްޔާރަށް ކަން މިއިންތިޚާބުގެ ނަތީޖާއިން ސާފު ވެގެން ގޮސްފައިވާކަމަށް އޭނާ ވިދާޅުވިއެވެ.
އިދިކޮޅު ފަރާތްތަކަށް ޒަމާންތަކެއް ވަންދެން ދީފައިހުރި ގޮނޑި ރައްޔިތުން ސަރުކާރަށް ދިނީމާ ރައްޔިތުން އެހާމަކުރާ ހަގީގަތަކީ ކުރިއަށް އޮތް ރިޔާސީ އިންތިޚާބުގައި އެއްބުރުން ރައީސް އިބޫ ދެވަނަ ދައުރަކަށް ހޮވަން ރައްޔިތުން ތައްޔާރުކަން!
– އަލީ ނަޒީރު ވިދާޅުވިއެވެ.
މަރުހަބާ @shaaxibrahim
މަރުހަބާ ރައީސް @ibusolih
އިދިކޮޅު ފަރާތްތަކަށް ޒަމާންތަކެއް ވަންދެން ދީފައިހުރި ގޮނޑި ރައްޔިތުން ސަރުކާރަށް ދިނީމާ ރައްޔިތުން އެހާމަކުރާ ހަގީގަތަކީ ކުރިއަށް އޮތް ރިޔާސީ އިންތިޚާބުގައި އެއްބުރުން ރައީސް އިބޫ ދެވަނަ ދައުރަކަށް ހޮވަން ރައްޔިތުން ތައްޔާރުކަން! pic.twitter.com/h7m7id0X8X— Ali Nazeer (@alynazeer) April 15, 2023
ގުރައިދޫ ދާއިރާގެ ބައި އިލެކްޝަންގައި އަދާލަތު ޕާޓީން އެމްޑީޕީގެ ކެނޑިޑޭޓަށް ކެމްޕެއިން ކުރުމަށް މާބޮޑު ދައުރެއް އަދާކޮށްފައި ނުވެއެވެ. އަދި އެޕާޓީން ކެމްޕެއިންގައި އެއްވެސް ވަރަކަށް ފެނިފައި ނުވެއެވެ. ނަމަވެސް އަދާލަތުން ވަނީ ކުރިއަށް އޮތް ރިޔާސީ އިންތިޚާބުގައި އެމްޑީޕީއާއިއެކު ރިޔާސީ އިންތިޚާބު ކާމިޔާބު ކުރުމަށް ބައިއަތު ހިފާފައެވެ.
ކުރިއަށް އޮތް ރިޔާސީ އިންތިޚާބަށް އެމްޑީޕީން އަދާލަތާއި، އެމްޑީއޭއާއި އެކު ކޯލިޝަން ހަދާފައިވާއިރު، ރައީސް ޞާލިހު ވިދާޅުވަމުންދަނީ އިންތިޚާބު އެމްޑީޕީ ކޯލިޝަނުން ކާމިޔާބު ކުރާނީ އެއްބުރުންކަމަށެވެ.
