ލ. ގަމު ދާއިރާއިން ގިނަ އަދަދެއްގެ ބަޔަކު ޖުމްހޫރީ ޕާޓީ (ޖޭޕީ)އާ ގުޅިއްޖެއެވެ.
ޖޭޕީން ބުނީ ގަމު ދާއިރާގެ ރައީސް ކަމަށް ވާދަކުރާ އާސިފް އާއެކު ގިނަ އަދަދެއްގެ ޒުވާނުން މެމްބާޝިޕް ފޯމު ހުށަހަޅާފައިވާ ކަމަށެވެ. އެ ފޯމުތަކާ ހަވާލުވެވަޑައިގެންނެވީ ޕާޓީގެ ސެކްރެޓަރީ އަލީ އާރިފެވެ. އަދި އެ ބައްދަލުވުމުގައި ޖޭޕީގެ ލީޑަރު ގާސިމް އިބްރާހިމްގެ ސްޕެޝަން އެންވޮއީ އިލްހާމް އަހުމަދާއި ބައެއް އެޑްވައިޒަރުންނާއި ކައުންސިލްގެ ބައެއް ބޭފުޅުން ބައިވެރިވެވަޑައިގެން ކަމަށް ޖޭޕީން ބުނެއެވެ.
2023ގެ ރިޔާސީ އިންތިޚާބުގައި ޖުމްހޫރީ ޕާޓީން އިސްވެ އޮވެ އުފައްދާ ކޯލިޝަނަކާއެކު ވާދަކުރުމަށް ނިންމާފައިވާއިރު އެޕާޓީގެ ގިނަ ހަރަކާތްތަކެއް ކުރިއަށް އެބަދެއެވެ. މިގޮތުން، އެންމެ އިސްކަމެއް ދީގެން އެޕާޓީން ކުރިއަށް ގެންދަނީ މެމްބަރުން އިތުރު ކުރުމުގެ މަސައްކަތަކާއި، އަތޮޅުތެރޭގެ ރަށްތަކުގައި ޕާޓީގެ ހަރަކާތްތެރިކަން އިތުރު ކުރުމުގެ މަސައްކަތެވެ.
L. Gamu Dhaa’iraa ge Ra’ees kamah vaadha kuraa Asif aa team, gina adhadhehge Membership form submit koffi. #hamajehumah @qasimibrahim pic.twitter.com/YoJogQilXN
— JP Secretariat (@JPSecretariat) April 15, 2023
ގިނަ އަދަދެއްގެ ބަޔަކު ޖޭޕީއާ ގުޅެމުން އަންނައިރު، އަލަށް ޖޭޕީއާ ގުޅުނު މީހުންގެ ތެރޭގައި، އެކިއެކި ދާއިރާތަކުން ފުންނާބުއުސް ކަނބަލުންނާއި ކަލުން ހިމެނެއެވެ. އީސީގެ ހިސާބުތަކުން ދައްކާގޮތުގައި، ރާއްޖޭގައި ތިންވަނައަށް އެންމެ މެމްބަރުން ގިނަ ޖުމްހޫރީ ޕާޓީގެ ރަސްމީ ދަފުތަރުގައި 23،000 އަށްވުރެ ގިނަ މެމްބަރުން ތިބެއެވެ. ޖުމްހޫރީ ޕާޓީއަކީ މިވަގުތު ރާއްޖޭގައި އޮތް އެންމެ ހަރަކާތްތެރި އެއް ސިޔާސީ ޕާޓީވެސް މެއެވެ.
ޖޭޕީން ވަނީ 87 އިދާރީ ދާއިރާއަށް ރައީސުން ހޮވަން ނިންމާފައެވެ. ޖުމްހޫރީ ޕާޓީގެ ފަރާތުން ދާއިރާތަކުގެ ރައީސުންނަށް ވާން ބޭނުންވާ ފަރާތްތަކަށް 50 މީހުންގެ ސޮއި ހުށަހަޅަން ޖެހޭނެއެވެ. ދާއިރާތަކުގެ ރައީސުންގެ ގޮތުގައި ކުރިމަތިލާން އެދޭ ފަރާތްތަކަށް އޭޕްރިލް މަހުގެ 20 ވަނަ ދުވަހުގެ 15:00 އާ ހަމައަށް ވަނީ ފުރުސަތު ހުޅުވާލައިފައެވެ.
ކޮމެންޓު ފޮނުވާ