އަމިއްލަ ވަޒަނުގައި ފަރަސްޠީނު ރައްޔިތުންނަށް އޮތް ހައްގުތައް ބަލައިގަތުމަށް ބައިނަލްއަޤްވާމީ މުޖުތަމަޢުއަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ގޮވާލައްވައިފިއެވެ.
އެމަނިކުފާނު މިކަމަށް ގޮވާލެއްވީ ބައިނަލްއަޤްވާމީ ގޮތުން ފާހަގަކުރަމުން އަންނަ ފަލަސްޠީން ރައްޔިތުންގެ މިނިވަންކަމާއި އިސްތިގުލާލު ކަށަވަރުކުރުމަށް ކުރަމުންދާ ޖިހާދުގެ ހައްގުގައި ފާހަގަކުރާ މުނާސަބަތުގައި ކުރެއްވި ޓްވީޓެއްގައެވެ.
ރައީސްގެ ޓްވީޓްގައި ވަނީ ފަލަސްޠީން ރައްޔިތުންނަކީ އެމީހުންގެ އަމިއްލަ ވަޒަން ނުވަތަ ބިމުގައި ތަކުލީފު އުފުލަމުން އަންނ ބައެއްކަމަށާއި، މިނިވަން ދައުލަތަކަށް ވުމަށް ފަލަސްޠީނުން ކުރަމުން އަންނަ މަސައްކަތްގައި ދިވެހިރާއްޖެ އަބަދުވެސް އޮންނާނީ ފަލަސްޠީނާއެކުކަމަށް އެމަނިކުފާނު ވިދާޅުވެފައިވެއެވެ.
The Maldives stands with the people of Palestine in their quest for dignity and statehood. On the International Day of Solidarity with the Palestinian People we call on the world community to recognize the legitimacy of their grievances and their right to a homeland.
— Ibrahim Mohamed Solih (@ibusolih) November 29, 2020
ރާއްޖެއާއި ފަލަސްޠީނާ ދެމެދު ޑިޕްލޮމެޓިކް ގުޅުން ޤާއިމްކޮށްފައިވަނީ 1988 ވަނަ އަހަރުއެވެ. ރާއްޖެއިން އަބަދުވެސް ގެންދަނީ ފަލަސްޠީނު ރައްޔިތުންނަށް އެމީހުންގެ އަމިއްލަ ވަޒަން ހޯދައި ދިނުމަށާއި، އެމީހުންގެ ހައްގުތައް ކަށަވަރުކޮށްދިނުމަށް ބައިނަލްއަޤްވާމީ މައިދާނުގައި ގޮވާލަމުންނެވެ. އަދި އަބަދުވެސް ފަލަސްޠީނުގެ ހައްގުގައި ވަކާލަތު ކުރަމުންދާނެކަން ރާއްޖެއިން އަބަދުވެސް އަންނަނީ ހާމަކުރަމުންނެވެ.
ކޮމެންޓު ފޮނުވާ