ތެލެސީމިއާ ކުދިންނަށް ދިމަވަ މައްސަލަތައް ހައްލުކޮށް، ތެލެސީމިއާ ސެންޓަރަކީ އެކުދިންގެ އަމިއްލަވަންތަކަމުގެ އިހްސާސް ލިބިދޭ ތަނަކަށް ބަދަލުކުރާންކަމަށް ހެލްތު މިނިސްޓަރ އަޙްމަދު ނަސީމް ވިދާޅުވެއްޖެއެވެ.
މިނިސްޓަރ ނަސީމް މިހެން ވިދާޅުވެފައިވަނީ ބައެެއް ތެލެސީމިއާކުދިންނާއި އެކުދިންގެ ބެލެނިވެރިންނާއެކު މިއަދު ބޭއްވި ބައްދަލުކުރެއްވުމުގައެވެ. މިނައްދަލުވުމުގައި ތެލެސީމިއާ ކުދިންވަނީ އެކުދިންނަށް ދިމާވަ މައްސަލަތކާއި، ޚާއްޞާކޮށް ތެލެސީމިއާ ސެންޓަރުން ޚިދުމަތް ލިބިގަތުމުގައި ހުރި ގޮންޖެހުންތަކުގެ ކަންބޮޑުވުން މިނިސްޓަރާއި ހިއްސާކުރައްވާފައެވެ. އެކުދިންގެ ހުށަހެޅުމަށް ރިއާޔަތްކޮށް ޚިދުމަތް އިސްލާހުކުރުމުގައި ތެލެސީމިއާ ސެންޓަރަކީ އެކުދިންނާ ގާތް އަމިއްލަވަންތަކަމުގެ އިހްސާސް ލިބިދޭ ތަނަކަށް ބަދަލުކުރުމުގެ އަމާޒުހިފާނެކަމުގެ ޔަގީންކަން މިނިސްޓަރ ނަސީމް އެރުއްވިކަމަށް ހެލްތު މިނިސްޓްރީން ބުނެއެވެ.
ބައެެއް ތެލެސީމިއާކުދިންނާއި ބެލެނިވެރިންނާ މިނިސްޓަރ ބައްދަލުކުރައްވައިފި. އެކުދިންގެ ހުށަހެޅުމަށް ރިއާޔަތްކޮށް ޚިދުމަތް އިސްލާހުކުރުމުގައި ތެލެސީމިއާ ސެންޓަރަކީ އެކުދިންނާ ގާތް އަމިއްލަވަންތަކަމުގެ އިހްސާސް ލިބިދޭ ތަނަކަށް ބަދަލުކުރުމުގެ އަމާޒުހިފާނެކަމުގެ ޔަގީންކަން އެރުއްވި
— Ministry of Health (@MoHmv) November 29, 2020
ތެެސީމިއާ ސެންޓަރުން ޚިދުމަތް ހޯދުމުގައި އެކުންދިންނަށް ބޮޑެތި ދަތިތަކެއް ހުންނަކަމަށާއި، އެކުދިންގެ ހާލަތަށް ފަރުވާއެއް ނުބަހައްޓާކަމުގެ ކަންބޮޑުވުންތަކެއް ތެލެސީމިއާ ކުދިން ދަނީ ފާޅުކުރަމުންނެވެ. ތެލަސީމިއާ ކުދިންގެ ޝަކުވާއަކީ އެ މީހުންނަށް ކުރިމަތިވެފައިވާ މައްސަލަތައް ދިގުލައިގެން ގޮސް، ދުވަހެއް ދުވަހަކަށް ހާލަތު ގޯސްވުމެވެ. ނަމަވެސް މި މައްސަލަތަކަށް ހައްލެއް ހޯދަން އިދާރާތަކުގައި އެކުދިންނާއި އާއިލާތައް އާދޭސް ކުރާތާ އެތައްދުވަހެއް ވެފައިވާކަމަށް ތެލެސީމިއާ ކުދިން ބުނެފައިވެއެވެ.
ތެލަސީމިއާ ކުދިން މުހިންމު އެތަށް ފަރުވާތަކަކާއި ރަނގަޅު ބޭސްފަރުވާއަކުން މަހުރޫމުވެ، އެތަށް ފުރާނަތަކެއް ގެއްލި އަދި ނުރައްކަލަށް ހުށަހެޅިފައިވާ ކަމަށްވެސް އެކުދިންގެ އާއިލާތަކުން ބުނެއެވެ.
ކޮމެންޓު ފޮނުވާ