ހުޅުމާލޭގެ ދެވަނަ ފިޔަވަހީގައި މޯލްޑިވްސް އިސްލާމިކް ބޭންކް (އެމްއައިބީ)ގެ އޭޓީއެމްއެއް ބެހެއްޓުމަށް އާބަންކޯއާއި އެކު މޯލްޑިވްސް އިސްލާޟިކް ބޭންކްއިން އެއްބަސްވުމެއްގައި ސޮއިކޮށްފި އެވެ.
އިސްލާމިކް ބޭންކުން މަޢުލޫމާތުދޭ ގޮތުގައި ހުޅުމާލޭގެ ދެވަނަ ފިޔަވަހީގައި އޭޓީއެމްއެއް ބަހައްޓަނީ ކަސްޓަމަރުންނަށް ވީހާވެސް ފަސޭހައިން އަދި ވީހާވެސް އަވަހަށް ހިދުމަތް ދިނުމަށް ބޭނުންވާތީ ކަމަށެވެ.
ހުޅުމާލޭގައި އިސްލާމިކް ބޭންކުން ދޭ ހިދުމަތްތައް ރަނގަޅުކުރުމަށްޓަކައި އެ ބޭންކުން ދާދި ފަހުން ވަނީ އާ އިމާރާތަކަށް ބަދަލުވެ އިތުރު ހިދުމަތްތައް ވެސް ހުޅުމާލޭގައި ދޭން ފަށާފަ އެވެ.
އާބަންކޯގެ ފަރާތުން އެއްބަސްވުމުގައި ސޮއިކުރެއްވީ މޭނޭޖިން ޑިރެކްޓަރު އަހްމަދު އާތިފެވެ. އެމްއައިބީގެ ފަރާތުން ސޮއިކުރެއްވީ މެނޭޖިން ޑިރެކްޓަރު މުފައްދަލް އިދުރީސް ހުމްރީ އެވެ.
އެމްއައިބީ އިން ދާދި ފަހުން ވަނީ މާލޭގައި އެ ބޭންކުގެ ފުރަތަމަ ޑޮލަރު އޭޓީއެމް ބަހައްޓާ ހިދުމަތް ދޭންވެސް ފަށާފަ އެވެ.
