ނ.އަތޮޅު ހެނބަދޫ ބަނދަރު ހެދުމުގެ މަޝްރޫޢުގެ މަސައްކަތް ނިންމާލައިފިއެވެ.
ހެނބަދޫގައި ޒަމާނީ ފެންވަރުގެ ބަނދަރެއް ތަރައްޤީކުރުމުގެ މަސައްކަތް މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ، އެމް.ޓީ.ސީ.ސީއާއި ހަވާލުކޮށްފައިވަނީ 23 ޖޫން 2019 ގައެވެ. ހެނބަދޫގެ ބަނދަރުން ހެދުމަށް ސާޅީސް ހަތަރުހާސް ހަސަތޭކަ ފަނަރަ އަކަމީޓަރުގެ ސަރަހައްދެއްވަނީ ފުންކޮށްފައެވެ.
ބަނދަރު ހެދުމުގެ މިމަސައްކަތުގެ ތެރެއިން ދުވިސައްތަ ތިން މީޓަރުގެ ސަރަހައްދެއްގައި އެއްގަމު ތޮށިލުމާ އެއްހާސް ފަނަރަ 1015 އަކަ މީޓަރުގެ ސަރަހައްދެއްގައި ޕޭމަންޓް ހަދާފައިވެއެވެ.
މިނިސްޓްރީ އޮފް ނޭޝަނަލް ޕްލޭނިންގއިން މިމަޝްރޫޢުގެ މަސައްކަތް އެމްޓީސީސީއާ ހަވާލުކޮށްފައިވަނީ، 26.6 މިލިއަން ރުފިޔާއަށެވެ. މި ބަނދަރުގެ އަމަލީ މަސައްކަތް ފަށާފައިވަނީ މި ދިޔަ އަހަރުގެ ސެޕްޓެމްބަރު މަހުގެ 12 ވަނަ ދުވަހުއެވެ.
ކޮމެންޓު ފޮނުވާ