އދގެ ޖެނީވާ އޮފީހަށް ދިވެހިރާއްޖެއިން ކަނޑައަޅުއްވާފައި ހުންނަވާ ދާއިމީ މަންދޫބު ޑރ. ޢާޞިމް އަޙްމަދު ކުރިއަށް އޮތް ރިޔާސީ އިންތިޚާބުގައި ރައީސް އިބްރާހިމް މުހައްމަދު ޞާލިހަށް ކުރައްވަން ނިންމަވައފިއެވެ.
ކުރީގެ ރައީސް ޑރ. މުހައްމަދު ވަހީދު ހަސަން މަނިކުގެ ވެރިކަމުގައި އެޑިއުކޭޝަން މިނިސްޓަރުކަން ކުރެއްވި ޑރ. އާސިމް ރައީސް ސޯލިހަށް ތާއިދު ކުރައްވަން ނިންމެވި ނަމަވެސް އޭނާ ތަމްސީލް ކުރައްވާ ޕާޓީ، ޖޭޕީ ދޫކޮށް ނުލައްވައެވެ.
އާސިމް ވިދާޅުވީ ރާއްޖޭގެ ތަރައްޤީއާއި ހަމަޖެހުން ގާއިމް ކުރުމަށް ރައީސުލްޖުމްހޫރިއްޔާ ގެނެސްދެއްވި ތަރައްޤީއަކީ ދިވެހި ރައްޔިތުން ފަހުރުވެރިވާފަދަ ތަރައްޤީއެއްކަމަށެވެ.
ރައީސް އިބްރާހިމް މުހައްމަދު ސޯލިހުގެ ޒައާމަތުގައި ރާއްޖެއަށް ގެނެސްދެއްވާފއިވާ ތަރައްގީ އާއި ކުރިއެރުމާއި އިޖުތިމާއީ ހަމަޖެހުން ދެމެހެއް ޓުމަށްޓަކައި ކުރިއަށް އޮތް ރިޔާސީ އިންތިހުބުގައި ރައީސް ސޯލިހަށް ތާއީދު ކުރަން އަޅުގަނޑު ނިންމައިފިން.
– ޑރ. އާސިމް ވިދާޅުވެފައިވެއެވެ.
ޖޭޕީން އިންތިހާބަށް ނުކުންނަން ނިންމުމާ ގުޅިގެން އެ ޕާޓީގައި ތިބި ސަރާކާރުގެ ބައެއް ބޭފުޅުން ވަނީ ޕާޓީ ދޫކުރައްވައި، ރައީސަށް ތާއީދު ކުރައްވަން ނިންމަވައިފައެވެ.
އޭގެ ތެރޭގައި ރައީސް އޮފީހުގެ މިނިސްޓަރު އަހުމަދު ސަމީރު، އިމިގްރޭޝަން ކޮންޓްރޯލަ މުހައްމަދު އަހުމަދު (ހަނަފީ)، ރައްޔިތުންގެ މަޖިލީހުގެ ކުރީގެ މެންބަރު އިބްރާހިމް ހަސަން (އެވިލާ)، ހެރިޓޭޖު މިނިސްޓްރީގެ ޑެޕިއުޓީ މިނިސްޓަރު ވަލީދާ ވަލީދު، އެޑިއުކޭޝަން މިނިސްޓްރީގެ ޑެޕިއުޓީ މިނިސްޓަރު އާމިނަތު މުހައްމަދު ސަލީމް (ސޯނީ)، އެމްޓީސީސީގެ ސީއީއޯ އާދަމް އާޒިމް، އެމްޑަބްލިޔޫއެސްސީގެ މެނޭޖިން ޑިރެކްޓަރު ހަސަން ޝާހު އަދި ޗައިނާގެ ޑިއުޓީ އެމްބެސެޑަރު ސޮބާހު ރަޝީދުއެވެ.
ޖޭޕީގެ ސްލޮޓްތަކުގައި ތިއްބެވި ވަޒީރުންނަކީ މައުސޫމްގެ އިތުރުން ގާސިމްގެ އަނބިކަނބަލުން އަދި ޓްރާންސްޕޯޓް މިނިސްޓަރު އާއިޝަތު ނަހުލާ އާއި ފިޝަރީޒް މިނިސްޓަރު ޑރ. ހުސައިން ރަޝީދު ހަސަނެވެ. މީގެ ތެރެއިން އަދި ވަކި ގޮތެއް ނުނިންމަވަނީ ނަހުލާއާއި، ޑރ.ހުސެންއެވެ.
