މިމަހުގެ 15 ވަނަ ދުވަހު ބޭއްވުމަށް ހަމަޖެހިފައިވާ ގުރައިދޫ ދާއިރާގެ ބައި އިލެކްޝަންގައި، މާފުށީގެ އެމްޑީޕީގެ އެންމެ އިސްކޮށް ހަރަކާތްތެރިވާ ޚަލީލް ޕީޕީއެމްގެ ކެނޑިޑޭޓް މަރުހޫމް އިބްރާހިމް ރިޒާގެ ކޮއްކޯފުޅު، ޙުސައިން ރިޒާއަށް ތާއީދު ކުރުމަށް ނިންމައިފިއެވެ.

ޚަލީލަކީ މީގެ ކުރިން އެމްޑީޕީގެ އެކި ހަރަކާތްތަކުގައި ވަރަށް އިސްކޮށް ހަރަކާތްތެރިވި ބޭފުޅެކެވެ. މާފުށީގައި އެމްޑީޕީގެ ނަގާކިޔާ މީހުންގެ ތެރޭގައި ހިމެނޭ ޚަލީލް ޕީޕީއެމްގެ ކެމްޕެއިނާއި ގުޅުމުން ޕީއެންސީގެ ނައިބް ރައީސް އިބްރާހިމް ޝުޖާ ކުރި ޓުވީޓެއްގައި ވިދާޅުވީ ހުސައިން ރިޒާގެ ކެމްޕެއިން ޓީމާއި ގުޅި ހަލީލްގެ ތާއީދު ލިބުމަކީ ކެމްޕެއިންގައި އެޓީމަށް ލިބުނު ވަރަށް ބޮޑު ހިތްވަރެއް ކަމަށެވެ.

އޭނާ ވިދާޅުވީ ޚަލީލް ޕީޕީއެމްގެ ކެނޑިޑޭޓަށް ތާއީދުކުރި އެންމެ ބޮޑުު ސަބަބީ މިސަރުކާރުން ޚާއްސަކޮށް ރައީސް ޞާލިހު އަމަލު ކުރައްވަމުންދާ ގޮތުން އެކަމާއި ހިންހަމަ ނުޖެހިންކަމަށެވެ.

އެމް.ޑީ.ޕީގެ ފިކުރު މާފުށީގައި ދިރުވާ އާލާކުރުމަށްޓަކައި މަސައްކަތް ކުރެއްވާ ހަލީލްބެ އަޅުގަނޑުމެންނާއެކު މިއަދު @HussainRizaAdam ގެ ކެންޕެއިނަށް ނުކުންނެވުމަކީ ލިބުނު ހިތްވަރެއް.
ހަލީލްބެއަށް ވެސް ގޯހީ ރ.ސޯލިހްގެ ހިޔަޅު ސިޔާސަތު.#VoteRiza #VotePPM #Tick1 pic.twitter.com/cLJqInDgHx

— Ibrahim Shujau (@IbrahimShujaau) April 2, 2023

ގުރައިދޫ ދާއިރާގެ ގޮނޑި ހުސްވީ، އެދާއިރާގެ މެންބަރުކަމުގައި ހުންނެވި އިބްރާހީމް ރިޒާ މިދިޔަ ފެބްރުއަރީމަހު އަވަހާރަވުމުންނެވެ. ގުރައިދޫ ދާއިރާގެ މެންބަރުކަން މިދިޔަ 15 އަހަރު ފުރުއްވި އިބްރާހީމް ރިޒާ އަވަހާރަވީ ކެންސަރުގެ އާލާސްކަންފުޅެއްގައި ފެބްރުއަރީ މަހުގެ 23 ވަނަ ދުވަހުއެވެ.