އިންސާނަކު ކެއްކުރާނެ އެންމެ މަތީ ދަރަޖައަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ކެއްކުރައްވާފައިވާކަމަށް ރައީސުލްޖުމްހޫރިއްޔާގެ އޮފީހުގެ މިނިސްޓަރ އަހުމަދު ސަމީރު ވިދާޅުވެއްޖެއެވެ.
ޖުމްހޫރީ ޕާޓީން ރިޔާސީ އިންތިޚާބުގައި ވާދަކުރަން ނިންމި ނިންމުމާއިއެކު އެޕާޓީއާއި ފެޔަށްޖެހި ޖުމްހޫރީ ޕާޓީގެ އެކި މަޤާމުތަކުގައި ތިއްބެވި ބޭފުޅުންގެ ތެރެއިން ރައީސް ޞާލިހަށް ތާއީދު ކުރެއްވި ބޭފުޅަކީވެސް މިނިސްޓަރ ސަމީރެވެ. ޖުމްހޫރީ ޕާޓީގެ ކައުންސިލް މެމްބަރު ކަމުންނާއި އެ ޕާޓީގެ މެމްބަރު ކަމުން ސަމީރު އިސްތިއުފާ ދެއްވީ މިދިޔަ މަހުގެ 14 ވަނަ ދުވަހުއެވެ.
ސަމީރު ވިދާޅުވީ ފާއިތުވެދިޔަ ދުވަސްތަކުގައި ރައީސުލްޖުމްހޫރިއްޔާ ވަނީ އެތެރެއިންނާއި ބޭރުން ކުރިމަތިވި އެކި ގޮންޖެހުންތަކާއި ވަރަށް ކެތްތެރިކަމާއިއެކު ކުރިމަތިލައްވާފައިކަމަށެވެ. އިންސާނު ކެތްކުރާނެ އެންމެ މަތީ ދަރަޖައަށް ރައީސް ޞާލިހު ކެތްކުރައްވާފައިވާކަމަށް ސަމީރު ވިދާޅުވިއެވެ. ނަމަވެސް ފެން އެމަނިކުފާނު ވަޑައި ގަންނަވާނީ ކުރިއަށް ކަމަށާއި ހަމަޖެހުން ނަގާލުމަށް އެއްވެސް ފުރުސަތެއް ނެތްކަމަށް ސަމީރު ވިދާޅުވިއެވެ.
އިންސާނަކު ކެއްކުރާނެ އެންމެ މަތީ ދަރަޖައަށް ރައީސް ސޯލިހް ކެއްކުރައްވައި އެތެރެއާއި ބޭރުންވެސް އިންތިހާއަށް ދޫދެއްވި، އެހެނަސް ދެން ވަޑައިގަންނަވާނީ ބާރަށް ކުރިއަށް، "ހަމަޖެހުން ނަގާލަން ފުރުސަތެއްނެތް"
– ސަމީރު ވިދާޅުވިއެވެ.
ގުރައިދޫ ދާއިރާގެ ބައި އިލެކްޝަންގައި އެމްޑީޕީން ވާދަކުރާ ކެންޑިޑޭޓް އިބްރާހިމް ޝާޒްގެ ކެމްޕެއިންގައި ވާހަކަ ދައްކަވަމުންވެސް ސަމީރު ވަނީ ރައީސް އިބްރާހިމް މުހައްމަދު ސޯލިހަށް ދެވަނަ ދައުރެއް ލިބިވަޑައިގަންނަވާނެ ކަމާ މެދު ޝައްކު ނުކުރައްވާ ކަމަށް ވިދާޅުވެފައެވެ.
ޖުމްހޫރީ ޕާޓީން ރިޔާސީ އިންތިޚާބުގައި ވާދަކޮށް ޤާސިމް ކުރިމަތިލައްވަން އިއުލާންކުރި ހިސާބުން ސަރުކާރުގެއެކި މަޤާމުތަކުގައި ތިއްބެވި ޖުމްހޫރީ ޕާޓީގެ ގިނަ ބޭފުޅުން ދަނީ މަޤާމުތަކުގައި ތިއްބަވައި ޖުމްހޫރީ ޕާޓީންވަކިވެ، ރައީސް ޞާލިހަށް ތާއީދު ކުރުމަށް ނިންމާފައެވެ.
2 Responses
މަގާމުގެ ދަހިވެތި ކަމުގައި ކާންދޭއަތުގައި ދަތްއެޅިމީހަކު ރައްޔިތަކައްހެވެއްނޭދޭނެ
އަހަރުމެންގެ ނަސީބު ކަންނޭގެ ދެން އިތުރަށް ކެތް ނުކުރިކަން ނޫންނަމަ ވަލު ޖަނަވާރުންގެ ދަރަޖައަށް ވެއްޓިއްޖައީސް