ރައްޖޭގެ މަޝްހޫރު ވިޔަފާރަވެރިޔާ އަދި މަހުޖަނު އުއްޗުގެ ތާއީދު ކުރިޔަށް އޮތް ރިޔާސީ އިންތިޚާބުގައި އޮތީ ރައީސް ސާލިހަށްކަން ހާމަ ކުރައްވައިފިއެވެ.
މިކަން ހާމަ ކުރައްވާފައިވަނީ އުއްޗުގެ އަމިއްލަފުޅު ރިސޯޓު، ޗަމްޕާ ގިރީގައި ރައީސްގެ ސާލިހުގެ ދެކަނބަލުންނަށް ޚާއްސަކޮށްގެ ބޭއްވި ރޯދަ ވީއްލުމެއްގައެވެ. މި ރޯދަ ވީއްލުމުގައި، ރިޔާސީ ރޭހަށް ނިކުމެވަޑައިގެން ތިއްބެވި ބޭފުޅުންގެ ތެރެއިން އުއްޗުގެ ތާއީދު އޮތީ ރައީސް ސާލިހަށްކަން ހާމަ ކުރެއްވުމުގެ ގޮތުން އުއްޗު ރައީސަށް ހަދިޔާ ކުރެއްވީ "އިބޫ 23″ މި ޝިއާރު ބޮޑު އަކުރުން ފަރާވަ އޮތް ޖާޒީއެކެވެ.
ރައީސް ސާލިހިގެ ދެކަނބަލުންނަށް ޚާއްސަ ކޮށްގެން ބޭއްވި މި ރޯދަ ވީއްލުމުގައި ކެބިނެޓްގެ ބައެއް ވަޒީރުންގެ އިތުރުން ރައްޔިތުންގެ މަޖިލިހުގެ ބައެއް މެމްބަރުންވެސް ބައިވެރިވެވަޑައިގެންފައި ވެއެވެ.
މިއަހަރުގެ ރިޔާސީ ރިޔާސީ ރޭހަށް މިހާރު ނިކުމެވަޑައިގެން ތިއްބެވި ބޭފުޅުންގެ ތެރެއިން އުއްޗުގެ ތާއީދު ރައީސް ސާލިހަށް އޮތްކަން ހާމަ ކުރައްވާފައި މިވަނީ، ޖުމުހުރީ ޕާޓީގެ ލީޑަރު ގާސިމް އިބުރާހިމް ރިޔާސީ އިންތިޚާބުގައި ވާދަ ކުރައްވާނޭކަން ރަސްމީކޮށް އިއުލާން ކުރައްވާފައި ވަނިކޮށްވެ. ގާސިމްގެ ނިންމެވުމާއެކު، ކުރީގެ ރައީސް މުހައްމަދު ނަޝީދުވަނީ ގާސިމް އިބުރާހިމްއާއެކު ކޯލިޝަން ހެއްދެވުމަށް ނިންމަވާފައެވެ.
އަދި ދާތިފަހުން ރައީސް ސާލިހުގެ ފަރާތްޕުޅުން ޓީމްތަކެއްވެސް ވަނީ ދެ ފަހަރެއްގެ މަތިން އުއްޗުއާއި ބައްދަލު ކޮށްފައެވެ.
ފާއިތުވެދިޔަ ރިޔާސީ އިންތިޚާބުތަކުގައި، މިބީދައިން ވަކި ފަރާތަކަށް ތާއީދުކުރާކަން އުއްޗު ފާޅުކަން ބޮޑު ގޮތެއްގައި ހާމަ ކުރައްވާފައެއް ނުވެއެވެ. އަދި އުއްޗުއަކީ އާންމު ގޮތެއްގައި ރިޔާސީ އިންތިޚާބުތަކުގައި އޭރަކު އޮންނަ ސަރުކާރަކާއި އަދި އިދިކޮޅު ފަރާތަށްވެސް ފައިސާގެ އެހީތެރިކަން ފޯރިކޮށްދެއްވާ ފަރާތެކެވެ.
One Response
މިއީ އުއްޗުމެން ބޭނުންގޮތެއް ހަދަން އޮތް ގައުމެއްތަ. ކޮންމެ އިންތިހާބަކަށް މަދު ފައިސާކޮޅެއް ފިލިޖަހާލާފައި އެތައް މިލިޔަން ޑޮލަރެއްގެ ޓެކުހުން ރެކެނީ. ރައްޔިތުންނޭ ހޭވެރިވޭ.