މިހާރުގެ ރައީސުލްޖުމްހޫރިއްޔާގެ ހިކުމަތްތެރިކަމާއި، ކުޅަދާނަކަން ދިވެހި ޅެންބައިތަކުން ރައީސުލްޖުމްހޫރިއްޔާގެ އޮފީހުގެ ޗީފް އޮފް ސްޓާފް އަލީ ޒާހިރު ސިފަ ކުރައްވައިފިއެވެ.

މިއަހަރު ބާއްވާ ރިޔާސީ އިންތިޚާބުގައި އެމްޑީޕީގެ ކެނޑިޑޭޓް ރައީސް އިބްރާހިމް މުހައްމަދު ޞާލިހަށް ބައިއަތު ހިފައި ކޯލިޝަން ހަދާފައިވާ އަދާލަތު ޕާޓީގެ ޤައުމީ މަޖިލީހުގައިވެސް ހިމެނޭ އަލީ ޒާހިރު ވިދާޅުވީ ރާއްޖޭގެ ޒަމާންވީ ތާރީހުގައި އެކި ހާލަތްތަކުގައި އުފެދިގެންދިޔަ ތަފާތު ޖަޒުބާތުތަކާިއ، ފިކުރުތައް ނިމިގޮސް މުޅިން އާ ޖީލެއް ލީޑް ކޮށްދެއްވަނީ ރައީސް ޞާލިހުކަމަށެވެ. އޭނާ މިހެން ވިދާޅުވީ ދިވެހި ޅެންބައިތަކާއިއެކު ކުރެއްވި ޓުވީޓެއްގައެވެ.

ވަގުތާ ޙާލަތުގެ ސަބަބުން ޤައުމުގައި އުފެދުނު ތަފާތު ޖަޒްބާތު ތަކާއި ފިކުރުތަށް ނިމިގޮސް، މުޅީން އައުޖީލެއް ލީޑްކޮށްދެއްވަނީ ރައީސް ޞާލިހު.

– އަލީ ޒާހިރު ވިދާޅުވިއެވެ.

ގަދަ ލަކުޑި ފީވެދޭ
ގަދަ ދަގަނޑު ދަބަރަށްވެދޭ
ގަދަ ހިލަ އަނދާ ރޫޅިދޭ
ގަދަވެ ބަލި އިންޖީނުދޭ
ގަދަނިދިއަޔަސް މަޑުވެދޭމި
ގަދަ އަލިފާންނިވި ދޭމި

ވަގުތާ ޙާލަތުގެ ސަބަބުން ޤައުމުގައި އުފެދުނު ތަފާތު ޖަޒްބާތު ތަކާއި ފިކުރުތަށް ނިމިގޮސް، މުޅީން އައުޖީލެއް ލީޑްކޮށްދެއްވަނީ @ibusolih

— Ali Zahir (alipi) (@alixahir) March 31, 2023

ކުރިއަށް އޮތް ރިޔާސީ އިންތިޚާބުގައި ކޯލިޝަން ހެދުމާއި ގުޅޭގޮތުން މަޝްވަރާކުރުމުގެ ބާރު އެމްޑީޕީގެ ރިޔާސީ ކެނޑިޑޭޓް، ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހަށް ދިނުމަށް އެމްޑީޕީގެ ގައުމީ މަޖިލީހުން ނިންމައި ކޯލިޝަން ހެދުމަށް ފޮނުވި ސިޓީއަށް އެންމެ ފުރަތަމަ ޖަވާބުދީ އެމްޑީޕީއާއިއެކު ކޯލިޝަން ހެދީ އަދާލަތު ޕާޓީންނެވެ.

އަދާލަތު ޕާޓީން ދަނީ ރައީސް އިބްރާހިމް މުހައްމަދު ޞާލިހު ދެވަނަ ދައުރަކަށް އިންތިޚާބު ކުރުމަށް މަސައްކަތް ކުރަމުންނެވެ. އެޕާޓީގެ ރައީސް އިމްރާން ވިދާޅުވެފައިވަނީ އެމްޑީޕީ، އެމްޑީއޭ އަދި އަދާލަތު ޕާޓީގެ އެކުގައި ރައީސް އިބްރާހިމް މުހައްމަދު ސޯލިހު ދެވަނަ ދައުރަކަށް ހޮއްވަވާނެ ކަމުގެ ފުރިހަމަ ޔަގީންކަން އެބައޮތްކަމަށެވެ. އެގޮތުން ރައީސް ޞާލިހު ފުރަތަމަ ބުރުން އިންތިޚާބު ކާމިޔާބު ކުރާނީ ސާފު އައުލަބިއްޔަތުންކަމަށް އިމްރާން ވަނީ ވިދާޅުވެފައެވެ.