މާލޭގެ ބޮޑުތަކުރުފާނު މަގު ޒީނަތްތެރިކުރުމުގެ ގޮތުން އެ މަގުގައި އިންދާފައިވާ ކަދުރު ރުއްތަކުގެ ބުޑުގައި މާލޭ ސިޓީ ކައުންސިލުން އިންދި ބޯގަންވިލާ ގަސްތައް ވަގަށް ގެންދާ މައްސަލަ ބޮޑުވެފައިވާކަމަށް ސިޓީ ކައުންސިލުން ވިދާޅުވެއްޖެެވެ.
މިކަން ފާހަގަކުރައްވައި މިފަދަ ކަންކަން ނުކުރުމަށް މާލޭ ސިޓީ ކައުންސިލލުން ވަނީ އިލްތިމާސްކުރައްވާފައެވެ.
ބޮޑުތަކުރުފާނުމަގު ޒީނަތްތެރި ކުރުމުގެ ގޮތުން ކަދުރު ރުއްއިންދާ އޭގެ ޕިޓް ތަކުގައި ޖަހާފައި ހުރި ބޯގަންވިލާ ގަސްތައް ވަގަށް ނަގަމުންދާކަން ހިތާމައާއި އެކު ފާހަގަ ކުރަން.ވީމާ މިކަން މިގޮތަށް ނުކުރުމަށް ނަސޭހަތްތެރިވަން.1/2 pic.twitter.com/gWSddnZ7vH
— Male' City Council (@MaleCitymv) March 24, 2023
ބޮޑުތަކުރުފާނު މަގުގައި ސިޓީ ކައުންސިލުން އިންދާފައިވާ ކަދުރުއްތަކުގެ ބުޑު ޒީނަތްތެރިކުރުމުގެ ގޮތުން ދާދިފަހުން އެކައުންސލުން ވަނީ މާލޭގެ މަގުތަކުން ނަގާ ލަކުޑި ޕެލެޓުތަކުގެ ލަކުޑި ބައިތައް ބޭނުންކޮށްގެން ޒީނަތްތެރިކޮށްފައެވެ. އަދި ކަދުރުރުއްތަކުގެ ބުޑުގައި ބޯގަންވިލާ ގަސްތައް އިންދައިފައެވެ.
ކޮމެންޓު ފޮނުވާ