ބޮލީވުޑްގެ ސުޕަސްޓަރ ސަލްމާން ޚާން ގެ ކުރިއަށް އޮތް ފިލްމް "ކިސީކާ ބާއި ކިސިކީ ޖާން" ގެ އިތުރު ލަވައެއް ބެލުންތެރިންނަށް ދޫކޮށްލައިފިއެވެ. މި ލަވަ އަކީ ވަރަށް ހާއްސަ ލަވައެކެވެ.
އެގޮތުން މި ލަވަ ހާއްސަވާ އެންމެ ބޮޑު އެއް ސަބަބީ ލަވަކިޔައިފައިވަނި ސަލްމާން ހާން އަށް ވުމެވެ. މި ލަވަ އަކީ ރޮމޭންޓިކް މަޑުމައިތިރި ރާގެއްގެ ލަވައެކެވެ. މީ ސޯލޯ ލަވައެކެވެ. ލަވައިގެ މިއުޒިކް ހެދީ އަމާލް މާލިކެވެ. އަދި ލަވައިގެ ޅެން ލިޔުނީ ޝައްބީރް އަހުމަދެވެ.
މީ މި ފިލްމް އިން ދޫކޮށްލި ދެވަނަ ލަވައެކެވެ. "ޖީ ރަހޭ ހަމް" ގެ ނަން ދިފައިވާ މި ލަވަ ގިނަ އަދަދެއްގެ ބަޔަކަށް ވަނީ ވަރަށް ބޮޑަށް ކަމުގޮސްފައިއެވެ.
މި ފިލްމް ގެ އެންމެ ފުރަތަމަ ދޫކޮށްލި ލަވަ އަކީ ވެސް ލޯބީގެ ލަވައެކެވެ. އެއީ ވަރަށް ރީތި ހިސާބުތަކެއްގައި ޝޫޓް ކޮށްފައިވާ ވަރަށް ހިތްގައިމު ލަވައެކެވެ. އެއީ "ނެއި ލަގްދާ" ކިޔާ ލަވައެކެވެ.
އަންނަ މަހުގެ 21 ގައި ރިލީޒްކުރާ "ކިސީ ކާ ބާއީ، ކިސީ ކީ ޖާން" އަކީ ފަރުހާދު ސަމްޖީ ޑައިރެކްޓްކޮށްފައިވާ އެކްޝަން ފިލްމެކެވެ. މި ފިލްމުގައި ސަލްމާނާއި ޕޫޖާގެ އިތުރުން ހިމެނޭ އިތުރު ތަރިންގެ ތެރޭގައި ޖޭސީ ގިލް، ރާގަވް ޖުޔަލް، ސިދާތު ނިގަމް އަދި ބިގްބޮސް ސީޒަން 13 އިން ވިދާލި ޝެހެނާޒް ގިލްވެސް ހިމެނެއެވެ.
