ބޮލީވުޑްގެ އެކްޓަރު ޝާހިދު ކަޕޫރު ކަިއވެނި ކުރީ އޭނާ ނިސްބަތްވާ ފިލްމީ އިންޑަސްޓުރީ އާއި ދުރު ދުރަށް ދަންދެންވެސް ގުޅުމެއް ނެއް ވަރަށް އާދައިގެ އަންހެން ކުއްޖެއް ކަމުގައި މިރާ ރާޖްޕޫތް އާއިއެވެ.
ޝާހިދު އާއި މީރާ ކައިވެނި ކުރީ 2015 ވަނަ އަރުގައިއެވެ. މި ކައިވެންޏަށް ވަނީ ދެ ކުދިން ލިބިފައިއެވެ. އެއީ 6 އަހަރުގެ މިޝާ ކަޕޫރު އާއި 5 އަހަރުގެ ޒައިން ކަޕޫރުއެވެ. އަދި މިއާއި އެކުގައި މިދެމަރިންނަކީ ބޮލީވުޑްގެ އެންމެ މަގުބޫލު އެއް ކަޕުލްއެވެ.
ޝާހިދު ކަޕޫރާއި މީރާ ރާޖްޕޫތަކީ ވަރަށް ރީތި ގުޅުމެއް އޮންނަ ދެ ތަރިންކަން އެންމެންނަށް ވެސް އެނގެ އެވެ. ދެމަފިރިންގެ ލަނޑުދަނޑިތައް ކަނޑައެޅުމުގައި މި ދެމީހުން ދުވަހަކުވެސް ފެއިލްނުވާ ކަމަށާއި އަބަދުވެސް އެކަކު އަނެއްކަކަށް ތާއިދު ކުރާ ކަމަށް ބުނެއެވެ. މުނިފޫހިފިލުވުމުގެ ނިއުސް ޕޯޓަލްއާ ވާހަކަ ދައްކަމުން ޖާޒީގެ ތަރި ވަނީ އޭނާގެ ސޯލް މޭޓަށް ތައުރީފުކޮށްފަ އެވެ.
އޭނާ ބުނި ގޮތުގައި އޭނާގެ މަސައްކަތުގެ ވައްޓަފާޅި ދެނެގަންނަ ރީތި، ވަރަށް ވިސްނުންތެރި އަދި ވަރަށް ސަޕޯޓް ކުރާ އަންބެއް ލިބުމުން އުފާވާ ކަމަށެވެ. އަދި މީރާ އަކީ ވަރަށް ޕޮޒިޓިވް މީހެއް ކަމަށާއި ފިލްމީ ދާއިރާގައި ނޫޅުން ނަމަވެސް މިދާއިރާއާިއ ބެހޭ ގޮތުން ގިނަ ކަންތަށްތަކެއް އޭނާ އަށް އިނގޭ ކަމަށް ޝާހިދު ވނީ ބުނެފައިއެވެ. އަދި މީރާ ވަރުގެ އަންޑަސްޓޭންޑިންގް މީހެއް އޭނާ ގެ ހަޔާތުގައި މިހާތަނަށް ދެކެފައި ނުވާ ކަމަށްވެސް ވަނީ ބުނެފައިއެވެ.
ޝާހިދު ވަނީ ކާމިޔާބު ކައިވެންޏެއްގެ ރެސިޕީ ވެސް ދީފަ އެވެ. އޭނާ ބުނީ ގުޅުމެއްގެ ކާމިޔާބު ކުރަން ބޭނުން ނަމަ އެގުޅުމުގައި ތިމާ ކޮމިޓެޑް ވުމަކީ ކާމިޔާބު ގެ ތަޅުދަޑި ކަމށެވެ. އަދި އެކަކު އަނެއްކަކު ދެކެ ލޯބި ވުމާއި އަޅާއިލުމާއި އެކުގައި ވަގުތު ހޭދަކުރުންވެސް ވަރަށް މުހިންމު ކަމަށް އޭނާ ވަނި ބުނެފައިއެވެ. އަދި އެންމެ މުހިންމު ކަމަކީ ކޮންމެ ހާލެއްގައިވެސް އެކަކު އަނެއްކެއްގެ ބާރަށްވެގެން ހުރުން ކަމަށެވެ.
މީރާ އަށް ވުރެ ޝާހިދު 7 އަހަރު ދޮށްޓެވެ. ނަމަވެސް މީރާ އަކީ ވަރަށް މެޖުއާ މީހެއް ކަމަށާއި އޭނާ އަކީ ވަރަށް ވެސް ބެސްޓް މީހެއް ކަމަށް ޝާހިދު ވަނީ ބުނެފައިއެވެ.
View this post on Instagram
ޝާހިދު އެންމެ ފަހުން ފެނިގެން ގޮސްފައިވަނީ އޭނާގެ އަލަތު ވެބް ސީރީޒް "ފަރްޒީ" އިންނެވެ. މި ވެބް ސީރީޒް އަކީ ބެލުންތެރިންގެ މެދުގައި ވަރަށް މަގުބޫލު ވެގެން ގޮސްފައިވާ ކާމިޔާބު ޑްރާމާއެކެވެ.
