ތުނބުޅި އަށް އެއްވެސް ބަދަލެއް ނުގެނެސް ހުންނަނީ ދަރިފުޅަށް ބައްޕަ އޮޅިދާނެތީ ކަމަށް މަޝްހޫރު އެކްޓަރު ރަންބީރު ކަޕޫރު ބުނެފިއެވެ.
މުނިފޫހި ފިލުވުމުގެ ހަބަރުތަކަށް ހާއްސަ ނުހެއް ކަމުގައިވާ ޕިންކް ވިލާ އަށް ދިން އިންޓަވިއުއެއްގައި ރަންބީރު ބުނީ ތުނބުޅި ބޭލުމުން އޭނާއަކީ ކާކުކަން ދަރިފުޅަށް ނޭގިދާނެތީ ކަންބޮޑުވާކަމަށެވެ.
އަދި އޭނާގެ ދަރިފުޅު މިހާރު ހޭނިފައި ހުރީ އޭނާގެ ދިގު ތުނބުޅީގެ ލުކް އަށް ކަމަށާއި ތުނބުޅި ބާލއިފި ނަމަ ފަހަރެއްގައި ވެސް ދަރިފުޅަށް ބައްޕަ އޮޅިދާނެތީ ބިރު ގަންނަ ކަމަށެވެ.
View this post on Instagram
ރަންބީރު ބުނީ އޭނާ ތުނބުޅި ދިގުކުރީ ފިލްމް އެއް ގެ މަސައްކަތަށް ކަމަށެވެ. ބެލެވޭ ގޮތުގައި އެއީ އޭނާގެ ކުރިއަށް އޮތް ފިލްމް އެއް ކަމުގައިވާ "އެނިމަލް" އަށެވެ. ފިލްްމްގެ ބައެއް ޕޯސްޓަރު ތަށް ދައްކާލި އިރުގައި ވަނީ ރންބީރު ބޮޑު ތުނބުޅިއާއި އެކުގައި ފެނިގެން ގޮސްފައިއެވެ.
"ބޭނުން ނަމަ ބާލާ އޮފް ވެސް ކޮށްލެވިދާނެ. އެއީ މައްސަލައެއް ނޫން. އެކަމަކު ދަރިފުޅަށް އަހަރެން އޮޅޭކަށް ބޭނުމެއް ނޫން. އެހެން ވެއްޖެ ނަމަ އަހަރެންގެ ހިތް ފަޅައިގެން ގޮސްދާނެ. އަސްލު ދަރިފުޅު ރަހާ އުފަންވި ފަހުން އޭނާއަށް އަހަރެން ފެނިފައިވަނީ ހަމައެކަނި މި ގޮތައް. އެހެންވެ އޭނާ ވަރަށް ބޮޑަށް މިރު ވަނީ މި ތުނބުޅިއާ އެކުގައި އަހަރެން ނަށް ހޭނިފައި."
ރަންބީރު އާއި ބަތަލާ އާލިއާ ބަޓް ކައިވެނި ކުރީ މިދިއަ އަހަރުގެ އެޕްރިލް މަހުގެ ތެރޭގައި އެވެ. އަދި ރަހާ އުފަން ވީ މިދިއަ އަހަރުގެ ނިވެމްބަރު މަހުގެ 6 ވަނަ ދުވަހުގައިއެވެ. މިހާތަނަށް ރަހާގެ ފޮޓޯ އެއ އަދި ވީޑިއޯއެއް ވެސް މީޑިއާއަށް އާންމު ވެފައިއެއް ނުވެއެވެ. އެހެން ކަމުން އެކުއްޖާ ހުންނަ ގޮތް ގިނަ މީހުންނަށް ނޭގެއެވެ.
