މިދިޔަ ހުކުރު ދުވަހު ރިލީޒްކުރި އަކްޝޭ ކުމާރުގެ ސެލްފީ ކާމިޔާބީގެ ހަރުފަތުގައި ދައުރުވަމުން އަންނަ އިރުގައި މި ފިލްމަށް ފުރަތަމަ ދުވަހު 2.55 ކްރޯޑް ރުޕީސް އަދި ދެވަނަ ދުވަހު 3.80 ކްރޯޑް ރުޕީސްގެ އާމްދަނީއެއް ލިބިފައިވާއިރު ޖުމްލަ އާމްދަނީ ވަނީ 6.35 ކްރޯޑް ރުޕީސް އަށް ވަނީ އަރާފަ އެވެ.
ސެލްފީ އަކީ އަކްޝޭގެ މިދިއަ ފްލޮޕް އިން އަރައިގަތުމަށް ހިތްވަރެކެވެ. މިދިއަ އަހަރު އަކްޝޭ އަށް ކުރިމަތިވީ ހުސް ނާކާމިޔާބީއާއިއއެވެ. އެގޮތުން މިދިއަ އަހަރު ވަނީ އޭނާގެ ފަސް ފިލްމް އިން ރިލީޒް ކޮށްފައިއެވެ. މި ހުރިހާ ފިލްމް އަކީ ވެސް ބަލާނެ މީހަކު ނުވި ފްލޮޕް ފިލްމް ތަކެކެވެ.
އެ ފިލްމް ތަކަކީ "ބަޗަން ޕާންޑޭ"، "ސަމްރާޓް ޕްރިތުވީރާޖް"، "ރަކްޝާ ބަންދަން" "ކަޓްޕުތްލީ" އަދި "ރާމް ސޭތޫ" އެވެ. މި ފަސް ފިލްމް ޕްލޮޕް ވެ އަކްޝޭ ހުރީ ބޮޑޫ ހިތާމައެއްގައިއެވެ.
ނަމަވެސް އަކްޝޭ ގަބޫލުކުރާ ގޮތުގައި ބެލުންތެރިންގެ ލޯބި ހޯދުމަށް އޭނާގެ ފޭނުން ވެސް އާ ކަމަކަށް ޑިމާންޑް ކުރާތީ އޭނާގެ ސްކްރިޕްޓްތަކުގެ ސްޓައިލް ބަދަލުކުރަން ޖެހެ އެވެ. އެގޮތުން ފިލްމް އެއް ކުޅެން އެ ފިލްމް އަކަށް އަނބަސް ބުނާ އިރުގައި ވަރަށް ބޮޑަށް ވިސްނަން ޖެހޭ ކަމަށެވެ. އަދި ތަފާތު މޮޅު އެކްޓިންގ އެއް ދެއްކުމަށް އިސްކަން ދޭނެ ކަމަށްވެސް އޭނާ ވަނީ ބުނެފައިއެވެ.
View this post on Instagram
އަކްޝޭ ދިން އިންޓަވިއުއެއްގައި ބުނީ ފިލްމެއް ރަނގަޅަކަށް ނުވެއްޖެ ނަމަ އެއީ އަމިއްލަ ކުށެއްގެ ސަބަބުން ވިކަމެއް ކަމުގައި ދެކޭ ކަމަށެވެ. އެގޮތުން ރަނގަޅު ސްކްރިޕްޓެއްގެ އިންތިޒާރުގައި އަބަދުވެސް ހުރުމަށް އޭނާ ވަނީ ބުނެފައިއެވެ.
" ކެރިއަރުގައި އެއްފަހަރާ ޖެހިޖެހިގެން 16 ފްލޮޕްވި. މިދިއަ އަހަރު 5 ފްލޮޕް ފިލްމް ދެވުނު އެންމެ ބޮޑު އެއް ސަބަބީ ރަނގަޅަށް މަސައްކަތް ނުކުރެވުނުން. ބެލުންތެރިން ތަފާތު ކަމެއް ދެކެން ބޭނުންވާތީ އަމިއްލަ އަށް މަސައްކަތް ކުރަން ޖެހޭ".
އޭނާ އިތުރަށް ބުނީ ފިލްމުތައް ޖެހިޖެހިގެން ފްލޮޕްވެއްޖެ ނަމަ އެއީ ބަދަލުވާން ޖެހޭ އެލާމެއް ކަމަށެވެ. އަދި އޭނާގެ ފިލްމުތައް ފްލޮޕްވީ ބެލުންތެރިންގެ ސަބަބުން ނޫންން ކަމަށާއި އެއީ އޭނާގެ ސަބަބުން ވި ކަމެއް ކަމަށް ގަބޫލު ކޮށް އެކަމުގެ ފުރިހަމަ ޒިންމާ ނަގާކަމަށް ވެސް އަކްޝޭ ވަނީ ބުނެފައިއެވެ.
ކޮންމެ އަކަށް "ސެލްފީ" ވެގެން ގޮސްފައިވަނީ އަކްޝޭ ގެ ނިމި ނިމި އޮތް ކެރިއަރުގައި ޖަހާ ފުލުސްޓޮޕް ޖެހިއަ ނުދީ ހިފަހައްޓައިލައި ދެނެ ކަމުގެ އުންމީދެކެވެ. މި ފިލްްމް ގައި އަކްޝޭ އާއި އެކުގައި މުހިންމު ރޯލަކުން ފެނިގެން ގޮސްފައިވަނީ އިމްރާން ހާޝިމީއެވެ.
