މިދިޔަ މަހު 52 މީހަކު ޖަލަށް ލައި 59 މީހަކު ޖަލުން ދޫކޮށްލިކަމަށް މޯލްޑިވްސް ކަރެކްޝަނަލް ސަރވިސްއިން ހާމަކޮށްފިއެވެ.
އެއިދާރާއިން އާންމުކޮށްފައިވާ ތަފާސްހިސާބުތަކުން ދައްކާގޮތުގައި މިދިޔަމަހު 52 މީހަކު ޖަލަށްލާފައިވެއެވެ. އޭގެތެރޭގައި އެންމެގިނައީ މަސްތުވާތަކެތީގެ މައްސަލަތަކުގައި ޖަލަށްލީ މީހުންނެވެ.
މިދިޔަ މަހު 59 މީހަކު ޖަލުން ދޫކޮށްލިއެވެ. އޭގެތެރެއިން 24 މީހުންނަކީ ހުކުމް ތަންފީޒުކޮށް ނިމުމިގެން ދޫކޮށްލި މީހުންނެވެ. 15 މީހަކީ ކޯޓުން އަމުރުކޮށްގެން ދޫކޮށްލި މީހުންނެވެ. އަދި 16 މީހަކު ދޫކޮށްލާފައިވަނީ ކްލެމެންސީގެ ބޯޑުގެ ނިންމައިގެންނެވެ. 3 މީހަކު ޕެރޯލްގެ ދަށުން ދޫކޮށްލިއެވެ.
މިދިޔަމަހު ޖަލަށްލި 52 މީހުންގެ ތެރޭގައި ހިމެނެނީ ޖަލަށްލާން ކޯޓުން ހުކުމްކުރި 43 މީހަކާއި ޝަރީއަތް ނިމެންދެން ބަންދުކޮށްފައިވާ 19 މީހެކެވެ. މިމީހުންގެ ތެރެއިން %55.8 އަކީ މަސްތުވާތަކެތީގެ މައްސަލަތަކުގައި ޖަލަށްލާން ހުކުމްކުރި މީހުންނެވެ. ދެން ހިމެނެނީ ވައްކަމާއި ފޭރުމުގެ މައްސަލަތަކުގައި ހުކުމްކޮށްފައިވާ މީހުންނާއި ކުޑަކުދިންނަށް ޖިންސީ ގޯނާކުރި މައްސަލަތަކުގައި ޖަލަށްލީ މީހުންނާއި މާރާމާރީގެ މައްސަލަތަކުގައި ޖަލަށްލީ މީހުންނާއި ވައްކަން ކުރިކަމުގެ ތުހުމަތުގައިޖަލަށް ލީ މީހުންނެވެ.
