ސަންޖޭ ލީލާ ބަންސާލީގެ އަލަތު ވެބް ސީރީޒް "ހީރާމަންޑީ"އިން ކުރީގެ ޑީވާ ރޭކާ ފެނިގެންދާނެ ކަމަށް މީގެ ދުވަސްކޮޅެއް ކުރިން ވަނީ ރިޕޯޓްކޮށްފަ އެވެ. ނަމަވެސް އެ ވާހަކަތައް ވަރަށް އަވަހަށް ދޮގުކުރިއިރު ރޭކާ މި ސިލްސިލާއިން ނުފެންނާނެ ކަން ވަނީ ކަށަވަރުވެފަ އެވެ.
މީގެ ކާސްޓުގެ ގިނަ ތަރިންނާއި އެކުގައި މިހާރު ޓިޒާ އެއްވެސް ދައްކައިލައިފައިވާ އިރުގައި ވެސް ރޭކާ ފެނިގެންނެއް ނުދެއެވެ. ނަމަވެސް އަދިވެސް ސަންޖޭ މި ޑްރާމާގައި ރޭކާ ގެ ފެނިލުން ބޭނުން ވެއެވެ.
ބޮލީވުޑް ހަންގާމާއިން ބުނެފައިވާ ގޮތުގައި މި ޑްރާމާ އަށް ރޭކާ ގެ އެއްވެސް ޝައުގެއް ނެތެވެ. ނަމަވެސް ސަންޖޭ ބޭނުން ވަނީ ފިލްމްގެ ރޯލެއް ނުކުޅުނު ނަމަވެސް ރޭކާ އޭނާގެ ފަރި ހަރަކާތަށް ލަވައެއްގެ ޒަރިއްޔާ އިން ދައްކާލުމަށެވެ. އަދި މި ވެބް ސިރީޒް ގައި ރޭކާ ގެ ލަވައެއް ހިމެނުމުންއިތުރު ފުރިހަމަ ކަމެއް ލިބިގެން ދާނެ ކަމަށް ސަންޖޭ ގަބޫލު ކުރެެއެވެ.
މިކަމާ ބެހޭ ތަފްސީލް ހާމަކޮށް އިންޑަސްޓްރީގެ މަޝްހޫރު ފަރާތަކުން ބޮލީވުޑް ހަންގާމާ އަށް މައުލޫމާތު ދެމުން ބުނެފައިވަނީ ސަންޖޭ ލީލާ ބަންސާލީ ބޭނުންވީ ހީރާމަންޑީގައި ރޭކާ ފާހަގަކޮށްލެވޭ ރޯލެއް ކުޅެން ކަމަށެވެ. ނަމަވެސް އެ ސިލްސިލާގައި ބައިވެރިވާން އޭނާ ދެކޮޅު ހެދުމުން ވަރަށް އަވަހަށް ދެ މީހުންގެ މެދުގައި ދެކެވުނު ވާހަކަތައް ވަނީ މެދުކެނޑިފައިއެވެ.
ނަމަވެސް "ހީރަމަންޑީ"ގައި ރޭކާ ހިމެނުމުގެ ވިސްނުން އޭނާ ދޫކޮށްލާފައެއް ނުވެއެވެ. މިވަގުތު އޮތް ގޮތުން ބަންސާލީ އަދިވެސް ރޭކާއާ ވާހަކަ ދައްކަމުން އަންނަ ކަމަށާއި ނަމަވެސް މިފަހަރު ވަރަށް ކުޑަ ބައެއް ކުޅުވަން ވާހަކަ ދައްކާ ކަމަށް ބުނެފައިވެއެވެ. ކުޑަ ވަގުތުކޮޅަކަށް ވިޔަސް ހީރާމަންޑީގައި ރޭކާ ފެނިގެން ދިއުމަށް އޭނާ ހުރީ އިންތިހާ އަށް ބޭނުން ވެފައި ކަމަށް ބުނެފައިވެއެވެ.
View this post on Instagram
"ހީރާމަންޑީ" ގެ ކާސްޓުގެ ތެރޭގައި ހިމެނެނީ ސޮނާކްޝީ ސިންހާ އާއި މަނީޝާ ކޮއިރަލާ އާއި އަދިތީ ރާއޯ ހައިދަރީ އާއި ރިއްޗާ ޗައްޑާ އާއި ސަންޖީދާ ޝެއިހްގެ އިތުރުން ބަންސާލީ އަށް ބޮޑުބޭބެ ކިޔާ ޝަރުމިން ސޭގަލް އެވެ.
ނެޓްފްލިކްސް އަށް ހަދާ 8 އެޕިސޯޑްގެ މި ވެބް ސީރީޒްގައި ކިޔައިދެނީ އިންޑިއާ އަށް މިނިވަންކަން ލިބުމުގެ ކުރިން އަދި ގައުމު ބައިބައިވުމުގެ ކުރިން، ލާހޯރްގެ ރެޑް ލައިޓް އޭރިއާގައި އުޅުނު ޝާހީ ޖާރިޔާއިންގެ ވާހަކަ އެވެ.
