މިއަދު ފެށި ޖުމްހޫރީ ޕާޓީގެ ޤައުމީ ކޮންފަރެންސުގައި އެމްޑީޕީގެ ރައީސް މުހައްމަދު ނަޝީދު ބައިވެރިވެއްޖެެއެވެ.
މިއަދު ޤައުމީ ކޮންފަރެންސް ފެށުމަށް ބޭއްވި ޖަލްސާގައި ނައިބް ރައީސް ފައިސަލް ނަސީމް ބައިވެރިއެއް ނުވެއެވެ. ނައިބް ރައީސަކީ ޖުމްހޫރީ ޕާޓީގެ ސްލޮޓްގައި ނައިބް ރައީސްގެ މަޤާމު ފުރުއްވަމުންދާ ބޭފުޅެކެވެ.
މިޖަލްސާގައި ރައީސް ނަޝީދާއި، އެމްއާރުއެމްގެ ރައީސް ފާރިސް މައުމޫންވެސް ބައިވެރިވެ ވަޑައިގަންނަވައެވެ. އަދި އެމްޑީޕީގެ ފުރަތަމަ ރައީސް އިބްރާހިމް އިސްމާއިލް (އިބްރާ) އާއި، އަދާލާތު ޕާޓީގެ ރައީސް އިމްރާންވެސް ބައިވެރިވިއެވެ. ދަރުބާރުގޭގައި މިހާރު ކުރިއަށްދާ ރަސްމިއްޔާތުގައި ތައާރަފަށް ފަހު، މިރަސްމިއްޔާތުގައި ޖޭޕީގެ ސެކްރެޓަރީ ޖެނަރަލް އަލީ އާރިފްވަނީ ފާއިތުވި ފަސް އަހަރު ޕާޓީ ހިނގައިދިޔަ ގޮތުގެ ރިޕޯޓު ހުށަހަޅުއްވައިދެއްވާފައެވެ.
ޖުމްހޫރީ ޕާޓީގެ 4 ވަނަ ގައުމީ ކޮންފަރެންސް ހުޅުވުމުގެ ރަސްމިއްޔާތުގައި ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ބައިވެރިވެވަޑައިގަތުން pic.twitter.com/mieIA0mCZ1
— People's Majlis (@mvpeoplesmajlis) February 24, 2023
މި ކޮންފަރެންސްގައި އެޕާޓީގެ އެތެރޭގެ އިންތިޚާބުތަކުގެ އިތުރުން، 2023 ވަނަ އަހަރުގެ ރިޔާސީ އިންތިހާބާ ގުޅޭ ނިމުންތައް ނިންމާނެއެވެ. ޖޭޕީގެ ގައުމީ ކޮންފަރެންސްގައި އެ ޕާޓީގެ ލީޑަރު، ޕާޓީގެ ޑެޕިއުޓީ ލީޑަރުން، ޒުވާނުންގެ ލީގުގެ ރައީސް، ޒުވާނުންގެ ލީގުގެ ނައިބު ރައީސް، ޒުވާނުންގެ ލީގުގެ ސެކްރެޓަރީ، ޒުވާނުންގެ ލީގުގެ މެމްބަރުން، އަންހެނުންގެ ލީގުގެ ރައީސް، އަންހެނުންގެ ލީގުގެ ނައިބު ރައީސް، އަންހެނުންގެ ލީގުގެ ސެކްރެޓަރީގެ އިތުރުން އަންހެނުންގެ ލީގުގެ މެމްބަރުން، އަދި ގައުމީ ކޮންފަރެންސްއިން އިންތިހާބުކުރާ 25 މެމްބަރުން އިންތިޚާބު ކުރުމަށްވަނީ ހަމަޖެހިފައެވެ.
މީގެ އިތުރުން، އަސާސީ ގަވާއިދަށް ގެންނަން ޕާޓީގެ ކައުންސިލުން އެންޑޯޒްކޮށްފައިވާ އިސްލާހުތަކަށް ބަހުސްކޮށް ގޮތެއް ނިންމުންވެސް މި ކޮންގްރެސްގައި އޮންނާނެއެވެ. އަދި އަސާސީ ގަވާއިދުގެ ދަށުން ޕާޓީގެ ލީޑަރު އަޔަންކުރައްވަންޖެހޭ މަގާމުތަކަށް ބޭފުޅުން އައްޔަންކުރެއްވުންވެސް އޮންނާނެއެވެ.
ދެދުވަހުގެ މުއްދަތަކަށް ކުރިއަށްގެންދާ މިކޮންފަރެންސް ނިންމުމުގެ ރަސްމިއްޔާތު އޮންނާނީ ހޮނިހިރު ދުވަހުގެ ރޭ 8:45ގައެވެ.
