ކުރިޔަށް އޮތް ރިޔާސީ އިންތިޚާބާ ގުޅެގޮތުން އެމްޑީޕީއާއެކު ކުރާނެ އެއްވެސް މަޝްވަރާއެއް ނެތް ކަމުގައި އެމްޑީޕީގެ ރައީސް މުހައްމަދު ނަޝީސު ވިދާޅިވެއްޖެއެވެ.
ނަޝީދު މިހެން ވިދާޅުވީ އެމަނިކުފާނުގެ ނުރަސްމީ ޓުވިޓަރ އެކައުންޓުން ކުރެއްވި ޓުވީޓެއްގައެވެ.
މި ޓުވީޓުގެ ދެވަނަ ތުރެޑުގައި ނަޝީދު ވިދާޅުވެފައިވަނީ އެމްޑީޕީއާއެކު ކުރާނެ މަޝްވަރާއެއް އޮތް ކަމަށް ބުނުމަކީ އެންމެ ރަގަޅުގޮތް ނޫން ކަމަށާއި، ރާއްޖެއަށް އަދި އެމްޑީޕީއަށް އެންމެ ހެޔޮ ގޮތް ހޯދާން ޖެހޭ ކަމަށެވެ.
އެހެންނަމަވެސް އެއީ ރައީސް ސާލިހާއެކު ހުރެގެން ވާން އޮތް ކަމެއްގެ ގޮތުގައި ފެނިވަޑައި ނުގަންނަވާކަމަށްވެސް ނަޝީދު ވިދާޅުވިއެވެ.
2023 vana aharuge Riyaasee inthikhaab aai guley gothun alhugadu MDP aai kuraane mashvaraa eh neh.
— MN unofficial (@anedhivehirajje) February 24, 2023
ކުރިޔަށް އޮތް ރިޔާސީ އިންތިޚާބަށް އެއްވެސް މަޝްވަރާއެއް ރައީސް ސާލިހާއެކު ނުކުރައްވާނެ ކަމަށް ނަޝީދު ވިދާޅިވެފައި ވާއިރު، ރިޔާސީ އިންތިޚާބަށް ނަޝީދުގެ ފިކުރެއްގެ ދިރުން ޓީމުގެ ތާއީދު ހޯދުމަށް ރައީސް ސާލިހުގެ ފަރާތްޕުޅުން މަސައްކަތް ކުރައްވަމުމް ގެންދަވާކަމަށް ވަނީ މައުލޫމާތު ލިބިފައެވެ.
އަދި ރައީސް ސާލިހުގެ ފަރާތްޕުޅުން ވަނީ، ކުރިޔަށް އޮތް ރިޔާސީ އިންތިޚާބަށް ކޯލިޝަން ހެދުމަށްޓަކާ ސަރުކާރު ހިންގާ ކޯލިޝަންގައި ހިމެނޭ ޕާޓީތަކަށް ކޯލިޝަންގެ ދައުވަތު ދެއްވާފައެވެ. މިގޮތުން ރައީސް ސާލިހުގެ ދައުވަތު ގަބޫލުކޮށް އަދާލަތު ޕާޓީން މިހާރުވަނީ އެމްޑީޕީއާއެކު ކޯލިޝަން ހެދުމަށް ނިންމާފައެވެ.
އޭގެ އިތުރުން ރައީސް ސާލިހުގެ ފަރާތްޕުޅުންވަނީ ކޯލިޝަން މަޝްވަރާތައް ސަން ސިޔާމް ހިންގަވާ އެމްޑީއޭއާއެކީވެސް ކުރިޔަށް ގެންގޮސްފައެވެ.
އެހެންނަމަވެސް އެ ޕާޓީން އެންޑީޕީއާއެކު ކޯލިޝަން ހެދުމަށް އަދި ނިންމާފައެއް ނުވެއެވެ.
އެމްޑީޕީން އެ ޕާޓީގެ ރިޔާސީ ޓިކެޓް ރަސްމީކޮށް ރައީސް ސާލިހަށް އަރުވާފައިވާއިރު، ފާއިތުވެދިޔަ ރިޔާސީ ޕްރައިމަރީގައި ރައީސް ސާލިހު ވިދާޅުވެފައިވަނީ އެމަނިކުފާނު ކުރިޔަށް އޮތް ރިޔާސީ އިންތިޚާބުގައި ވާދަ ކުރައްވާނީ އެހެން ޕާޓީތަކާއެކު ކޯލިޝަން ހައްދަވައިގެން ކަމުގައެވެ.
