އެމްޑީޕީގެ މެމްބަރުން ތިއްބަވާ "ޕީޕަލްސް މަޖިލިސް" ވަޓްސްއަޕް ގުރޫޕުގައި ނަޝީދުއާއި އެޕާޓީގެ ފޭދޫ ދާއިރާގެ މެމްބަރު މުހައްމަދު ނިހާދުއާއި ދެބޭފުޅުންގެ ތެރޭގައި ހޫނު ޒުވާބެއް ހިނގައިފިއެވެ.

އެމްޑީޕީގެ ފާއިތުވި ޕްރައިމަރީން ބަލިވި އެ ޕާޓީގެ ރައީސް މުއައްމަދު ނަޝިދުއާއި ނިހާދުއާ ދެމެދު ހޫނު ޒުވާބެއް ހިނގާފައިވަނީ، އިންޒާރުދީ ބިރުދެއްކިޔަސް ފަހަތަށް ނުޖެހޭނެކަމަށް ބުނެ ނިހާދު ގުރޫޕުގައި ކުރެއްވި ޕޯސްޓަކަށް ނަޝީދު ރައްދު ދެއްވުމާއި ހިސާބުންނެވެ.

ނިިހާދުގެ ވަޓްސްއަޕް މެސެޖަށް ރައްދު ދެއްވަމުން ނަޝީދު ވިދާޅުވެފައިވަނީ "މާ ގަދައެއް ނުވާނެ" ކަމަށާއި އަދި "ނިހާދު މަތަ އެރު"މަށެވެ. އިތުރަށް ނަޝީދު ވިދާޅުވެފައިވަނީ ނިހާދަށް ވޯޓެއްވެސް ނުލިބޭނެ ކަމަށާއި، ނިހާދު ބޮޑާ ނުކެނޑުމަށެވެ.

އެހެންނަމަވެސް އެހާތަނުން ނަޝީދަށް ޖަވާބު ދެމުން ނިހާދު ވިދާޅުވެފައިވަނީ އެކަކީވެސް ގަދަ މީހެއް ނޫންކަމަށާއި، "ގޮވިއްޔާ ގޮވާނެ" ކަމަށެވެ. ނިހާދަށް ރައްދު ދެމުން ނަޝީދު ވިދާޅުވެފައިވަނީ ނިހާދުއަށް ވޯޓެއްވެސް ނުލިބޭނެ ކަމަށާއި، ދެން ޓެކްސްޓު ނުކުރުމަށެވެ.

އެހެންނަމަވެސް ނަޝީދަށް ޖަވާބު ދެމުން ނިހާދު ވިދާޅުވެފައިވަނީ "ކޮށްފިއްޔާ ކުރާނަން" ކަމުގައެވެ.

އެހާތަނުން ނަޝީދު ނިހާދަށް އިންޒާރު ދީފައިވަނީ، އެމަނިކްފާނު ދައްކާ ވާހަކަ އަޑު ނާހައިފިއްޔާ ރަށުންވެސް ބާލާނެ ކަމުގައެވެ.

ވަޓްސްއަޕް ގުރޫޕުގައި ނަޝީދު ބަސްމަގު ހުރި ގޮތުން، އެމްޑީޕީގެ ކެލާ ދާއިރާގެ މަޖިލިސް މެމްބަރު ޝަރީފްވަނީ ވަނީ ނަޝީދަކީ ރޯލް މޮޑެލްއެއް ކަމަށް ބަލާ އެތައް ބަޔަކު ތިބިކަމަށް ވިދާޅުވެ، ބަސްމަގު ރަގަޅުކޮށް ދެއްވުމަށް އާދޭސް ދަންނަވާކަމަށް ކަމަށް ވިދާޅުވެފައެވެ.

އެމްޑީޕީގެ މަޖިލިސް މެމްބަރުންނާއ ގައުމީ މަޖިލިސް މެމްބަރުން ތިބޭ ވަޓްސްއަޕް ގުރޫޕުތަކުގައި އެޕާޓީގެ މަޖިލިސް މެމްބަރުންނާއި ދެމެދު ބޮޑެތި ޒުވާބުތައް ހިނގުމަކީ ފަހަކަށް އައިސް އާންމު ކަމެކެވެ. ނިހާދު ނިސްބަތްވަނީ އެޕާޓީގެ ރައީސް ސާލިހު ފެކްޝަނަށެވެ.

ފާއިތުވި އެޕްޑީޕީގެ ރިޔާސީ ޕްރައިމަރީގައި ރައީސް ސާލިހާއި ވާދަކޮށް ނަޝީދު ބޮޑު ބައްޔަކުން ބަލިވުމަށްފަހު، މިހާރު ގެންދަވަނީ "ފިކުރެއްގެ ދިރުންް" ނަމުގައި ޕާޓީގެ އެތެރޭގައި ވަކި ސިޔާސީ ހަރަކާތްތަކެއް ފެއްޓެވުމަށެވެ.

އެހެންނަމަވެސް ރައީސް ސާލިހަށް ތާއީދުކުރާ ފަރާތްތަކުން ބުނަމުންދަނީ ޕާޓީގެ އެތެރޭގައި އުފުރުސަތު ނުދޭނެކަމަށެވެ.