1990 ގެ އަހަރު ތަކުގެ ފަހުކޮޅުގައި އެންމެ ހިޓު އެއް ވާހަަކަ ކަމުގައިވާ ރަވީނާ ޓަންޑަން އާއި އަކްޝޭ ކުމާރުގެ ލޯބީގެ ވާހަކަ އަކީ ސިއްރު ވާހަކައެއް ނޫނެވެ. އެދެމީހުން މޮޔަވާވަރަށް ލޮބިވެގެން އުޅުން ނަމަވެސް އެގުޅުން އުމުރު ދުވަހަށް ދެމި އޮންނަ ގޮތެއް ނުވިއެވެ.
މިޒާޖުގައި ވެސް ތަންކޮޅެއް ބިޓިންގ ގޮތެއް ހުންނަ އަކްޝޭ ދެކެ ރަވީނާ އިންތިހާ އަށް ލޮބިވިއެވެ. އަދި މީޑީއާގައި އޭނާ އަކޝޭ ދެކެވާ ލޯބި ހާމަ ކުރާކަށް ފަހެއް ނުޖެހެއެވެ. ނަމަވެސް އަކްޝޭގެ ބޭވަފާތެރިކަން އެގުޅުން ނިމުމަކަށް ގެނައީއެވެ. އޭރު ދެމީހުން އެންގޭޖްވެސް ކޮށްފިއެވެ.
އެހެން ބޮލީވުޑްގެ ކަޕުލްއެކޭ އެއްފަދައިން އެދެމީހުން ކުރެ އެކަކުވެސް އެމީހުން ރުޅިވި ސަބަބާއި ބެހޭގޮތުން މީޑީއާގައި އެއްވެސް ވާހަކައެއް ދައްކައިފައިއެއް ނުވެއެވެ.
ނަމަވެސް ރަވީނާ ވަނީ އޭނާ އާއި އަކްޝޭ އޮތް ގުޅުމުގެ ވާހަކަ ދާދިމިދާކަށް ދުވަހު މީޑީއާއާއި ވާހަކަދައްކަމުން ކިޔައިދީފައިއެވެ. އޭނާ ބުނި ގޮތުގައި އަކްޝޭ އަކީ އޭނާ ވަރަށް ލޯބިވި މީހެކެވެ. އަދި އަކްޝޭގެ ބޭވަފާތެރިކަން އޭނާ ދިރިހުރުން ބަރުބާދު ކޮށްލިއެވެ. އަދި އެ ހިތާމަ ތަކާއި ތަކުލީފުގައި އެތަކެއް ދުވަހެއް ހޭދަކުރަން ޖެހުން ކަމަށް އޭނާ ވަނީ ބުނެފައިއެވެ.
ލޯތްބަކީ ވަރަށް ތަފާތު އެއްޗެއް ކަމަށް އެއްބަސްވަމުން ރަވީނާ ބުނީ މީހުން ބުނަނީ ތެދެއްކަމަށެވެ. ވަގުތަކީ ހުރިހާ ކަމެއްގެ ޝިފާ ކަމަށް އޭނާ ބުންޏެވެ. އަދި އަކްޝޭ ބޭވަފަތެރި ވުމުން އެކަނިވި ކަމަށާއި އޭނާގެ ހަޔާތަށް އިތުރު ފިރިހެނަކު ނާންނާނެ ކަމަށް ހީކުރެވުން ކަމަށްވެސް ރަވީނާ ވަނީ ބުނެފައިއެވެ. ނަމަވެސް އެހުރިހާ ކަމެއް ވަގުތާއި އެކުގައި ބަދަލުވެގެން ދިއަ ކަމަށާއި އޭނާގެ ހަޔާތަށް އިތުރު ލޯބިވެރިއަކު ލިބުނީ ނުވެސް އެނގި ހުއްޓަިއކަމަށް ރާވީނާ ވަނީ ބުނފައިއެވެ.
"ބުނާހާ ފަސޭހައިން ލޯބި ހަދާން ނައްތަލެއް ނުލެވޭ. ހަމަ ގައިމުވެސް އަހަރެންނަށް އޭރުގައި އެހެން ނެއް ނުވި. އަހަރެން ވަރަށް ބަލިވި. މުޅި ދުނިޔެ މަތިން ފޫހި ކޮށްލި. ކަމެއް ކުރާ ހިތެއް ނުވޭ. ލޮލުން ކަރުނައެއް ނުހިކޭ. ވަރަށް ހިތްދަތި ދުވަސް ވަރެއް އެއީ. ވަރަށް ބޮޑަށް ކެއްތެރިވާން ޖެހުން. އަހރެންނަކީ ދުނިޔޭގައި ނެއް މީހަކާ ތަފާތެއް ނެއް. އެކަމަކު އެއީ ވަގުތީ ކަމެއްކަން މިހާރު އިހުސާސްވޭ."
ރަވީނާ އާއި އަކްޝޭ ގެ ލޯބީގެ ފެށުމަކީ 1990 ގެ އަހަރުތަކުގެ ފަހުކޮޅު ރިލީޒްކުރި ފިލްމު "މޯހްރާ" ސެޓެވެ. ސެޓުން ދެމީހުން ބައްދަލު ކައިވެންޏަކާއި ހަަމަށް ގޮސްގޮސް އޮއްވައި އެގުޅުން ނިމުކަށް އައީއެވެ.
މަޝްހޫރު ފިލްމު "މޯހްރާ" ގެ ޓިޕް ޓިޕް ބަރުސާ ޕާނީގައި އަކްޝޭ އާއި އެކު ރަވީނާގެ އޮން ސްކްރީން ކެމިސްޓްރީ އަދިވެސް ފޭނުންގެ މެދުގައި ވަރަށް މަޝްހޫރު އެވެ. ރަވީނާ ބުނީ އިންޑަސްޓްރީގައި މިހާ ގިނަ އަހަރު ތަކެއް ހޭދަކުރުމަށް ފަހު އަކްޝޭއާ އެންގޭޖްވީ ކޮން އިރަކުކަން ހަނދާން ނެތުނީ އެމީހުންގެ ދިރިއުޅުމުގެ އެ އެޕިސޯޑާ ބެހޭ އެއްވެސް އެއްޗެއް ނޫސްތަކުގައި ނުލިޔާނެކަން ޔަގީންކޮށްފައިވާތީ ކަމަށެވެ.
"އަހަރެމެންނަކީ ހިޓް ޖޯޑެއް، މޮހްރާގެ ދުވަސްވަރު، އަދި މިހާރުވެސް އިޖުތިމާއީ ގޮތުން އެކަކު އަނެކަކާ ކުރިމަތިލާއިރު، އަހަރެމެން އެންމެން ބައްދަލުވޭ، އަހަރެމެން އެންމެން ޗެޓް ކުރަން"
މިހާރު އެދެމީހުންގެ މެދުގައި އެކަހަލަ އެއްވެސް ގުޅުމެއް ނެއް ކަމަށާއި ނަމަވެސް ރަހުމަތްތެރިކަން އޮތްކަން ހާމަ ކުރަމުން ރަވީނާ ބުނީ އެއީ މިހާރު މާޒީ ކަަމަށާއި މުސްތަގުބަލު ވަނީ އެކޮން ބަދުވެފައި ކަމަށެވެ. އަދި ދެމީހުންވެސް ކައިވެނި ކުރި ޕާޓޫނަރުންނާނައި އެކުގައި އުޅެމުން އަންނަނީ ވަރަށް އުފާވެރިކޮން ކަމަށް އޭނާ ވަނީ ބުނެފައިއެވެ.
ރަވީނާ ބޮލީވުޑް އަށް ތައާރަފްވީ 1991 ވަނަ އަހަރުގެ ފިލްމް "ޕައްތަރުކޭ ޕޫލް" އިންނެވެ. އޭނާ ވަނީ އެ ފިލްމް އިން 'ފިލްމުފެއާ އެވޯޑް ފޯ ނިއު ފޭސް އޮފް ދަ އިޔާ' ހާސިލްކޮށްފަ އެވެ. އޭނާގެ މަޝްހޫރު ފިލްމް ތަކުގެ ތެރޭގައި "ދުލްހޭ ރާޖާ"، "އަނާރީ ނަމްބަރު 1″ "ބަޑޭ މިޔާ ޗޯޓޭ މިޔާ" "ދިވާލޭ"، "މޮހްރާ" އަދި ޒިއްދީފަދަ ފިލްމް ތަށް ހިމެނެއެވެ. 48 އަހަރުގެ ބަތަލާ އެންމެ ފަހުން ފެނިގެން ގޮސްފައިވަނީ "ކޭޖީއެފް: ޗެޕްޓާ 2″ އިންނެވެ.
