ބޮލީވުޑްގެ އެކްޓަރު ޝާހިދު ކަޕޫރު ޑަބަލް ރޯލުން ފެނިގެންދާ ފިލްމް އެއް އިއުލާން ކޮށްފިއެވެ.
މި ފިލްމް އަކީ މިދިއަ އަހަރުގެ އެންމެ ކާމިޔާބު އެއް ފިލްމް "ބޫލް ބުލައްޔާ 2″ ގެނެސްދިން ޑައިރެކްޓްރު އަނީސް ބާޒްމީގެ ފިލްމްއެކެވެ. މިފިލްމްގައި ޝާހިދު ޑަބަލް ރޯލެއް ފެނިގެންދާއިރުގައި މީގެ ކުރިން އޭނާ ވަނީ 2009 ވަނަ އަހަރުގެ "ކަމީނޭ" ގައި ޑަބަލް ރޯލެއްކުޅެފައިއެވެ.
ފިލްމީ ހަބަރުތަށް ގެނެސްދޭ ނޫސްތަކުން ބުނި ގޮތުގައި މި ފިލްމްގެ ސްކްރިޕްޓް މިހާރު ވަނީ ނިމުކާއި ކައިރިވެފައިއެވެ. އަދި ފިލްމްގެ ޝޫޓިން މި އަހަރުގެ މެދުތެރޭގައި ފެށޭނެ ކަމަށެވެ. ނަމަވެސް ފިލްމް އާއި ބެހޭގޮތުން މާގިނަ މައުލޫމާތެއް އަދި ހާމައެއް ނުކުރެއެވެ.
ކާމިޔާބު ފިލްމުތަކެއް ކުޅެފައިވާ 41 އަހަރުގެ އެކްޓަރުގެ އެންމެ ފަހުގެ ފިލްމަކީ މިދިޔަ އަހަރުގެ "ޖާޒީ" އެވެ. އަންނަ ހުކުރު ދުވަހު ޝާހިދުގެ ފުރަތަމަ ވެބް ސީރީޒް "ފަރްޒީ" އެމެޒޯން ޕްރައިމް ވީޑިއޯ އިން ޕްރިމިއާ ކުރާނެއެވެ.
ކޮމެންޓު ފޮނުވާ