ބޮލީވުޑްގެ ޒުވާން ބަތަލާ އާލިއާ ބަޓް އަށް އަލަތު ދަރިފުޅު ލިބުނީ މިދިއަ އަހަރުގެ ނޮވެމްބަރު މަހުގެ 6 ވަނަދުވަހުގައިއެވެ. އެމީހުންނަށް ލިބުނީ އަންހެން ކުއްޖެކެވެ. އެކުއްޖާގެ ނަމަކީ ރަހާއެވެ.

އާލިއާ އާއި ރަންބީރު ކަޕޫރު ކައިވެނި ކުރީ މިދިއަ އަހަރުގެ އެޕްރިލް މަހުގެ 14 ވަނަ ދުވަހުގައިއެވެ. ދަރިފުޅު ލިބުން ފަހުން މިހާތަނަށް އަދި އާލިއާ ފިލްމީ މަސައްކަތަށް ނުކުމެފައިއެއް ނުވެއެވެ. ނަމަވެސް މި އަހަރު އޭނާގެ ފިލްމް އެއް ރިލީޒް ކުރާނެއެވެ.

މި ފިލްމް އަކީ އާލިއާ ބަނޑުބޮޑުވުމުގެ ކުރިން ފެށި ފިލްމްއެކެވެ. މި ފިލްމްގެ ނުނިމި އިނީ އެންމެ ލަވައެކެވެ. މި ލަވަ ޝޫޓު ކުރުމަށް މީގެ ކުރިން އޮތީ ޔޫރަޕުގެ ގައުމުތަކުގައިއެވެ. ނަމަވެސް ދަރިފުޅު ލިބުމުން އާލިއާ މި ލަވައިގެ ޝޫޓިން ކުރިއަށް ގެންދާނީ ކަޝްމީރު ގައި ކަމަށް ވެއެވެ.

 

View this post on Instagram

 

A post shared by Alia Bhatt 💛 (@aliaabhatt)

އާލިއާ މިފަހުން މުމްބައި ގައި އޮތް އިވެންޓެއްގައި ވާހަކަދައްކަމުން ބުނީ ދަރިފުޅު ލިބުން ފަހުން އޭނާގެ ކެރިއަރު މަޑުޖައްސައިލައިފައި ވާކަަމަށެވެ. ފިލްމު ކުޅުމުގައި ވެސް އޭނާ ބަލަނީ ގިނަ ފިލްމުތައް ކުޅުމަށްވުރެ ކޮލިޓީ ރަނގަޅު ފިލްމުތައް ކުޅުމަށް ކަމަށާއި މިހާރު އެންމެ ބޮޑު އިސްކަމެއް ދޭނީ ދަރިފުޅަށް ކަމަށެވެ.

އެހެން ކަމުން ވީހާވެސް މަދުން ފިލްމު ކުޅެފައި ހުރިހާ ވަގުތެއް ދަރިފުޅަށް ހުސްކުރަން މި ވަގުތު ގަސްތުކުރާ ކަމަށް އާލިއާ ބުންޏެވެ. އަދި ދަރިފުޅަށް ވީހާވެސް ގިނަ ވަގުތެއް ދޭން ބޭނުންވާ ކަމަށް އޭނާ ވަނީ ތަކުރާރުކޮށް ބުނެފައިވެއެވެ.

 

View this post on Instagram

 

A post shared by Alia Bhatt 💛 (@aliaabhatt)

ވިހެއުމަށްފަހު އާލިއާ އެނބުރި އައުން ފާހަގަ ކުރާ ފިލްމް "ރޮކީ އޯރް ރާނީކީ ޕްރޭމް ކަހާނީ" އަންނަ ޖުލައި މަހުގައި ރިލީޒް ކުރުމަށް މިހާރު އޮތީ ތާވަލް ކޮށްފައިއެވެ. މި ފިލްމް ގައި އާލިއާ އާއި އެކުގައި ފެނިގެންދާނީ ރަންވީރު ސިންގްއެވެ.