އިދިކޮޅު ލީޑަރޝިޕުން އުޅެނީ ރައީސް ޔާމީން މިނިވަންކުރާކަށް ނޫންކަމަށާ، އެހެން މައުސަދެއްގައި ކަމަށް ހީމް މިނިސްޓަރ އަދި ޢަދާލަތު ޕާޓޫގެ ރައީސް އިމްރާން ޢަބްދުﷲ ވިދާޅުވެއްޖެއެވެ.
ޕީޕީއެމްއިން މިދިޔަ ބުރާސްފަތިދުވަހު ފެށި "ހޯޕް ކޮންފަރެންސް"އަށްފަހު އިމްރާން ކުރެއްވި ޓްވީޓެއްގައި ވިދާޅުވެފައިވަނީ، އިޚްލާސްތެރިކަމާއެކު ރައީސް ޔާމީން ސަލާމަތްކުރަން އުޅުއްވާ ބޭފުޅުންނައްވުރެ އިދިކޮޅު ލީޑަރޝިޕްގައި ގިނައީ އެހެން މަޤުސަދެއް ޙާސިލްކުރަން އުޅޭ ބައެއްކަމަށެވެ. އެކަން އެއްދުވަހުން އަނެއް ދުވަހަށް ހާމަވާ މިންވަރު ބޮޑުވަމުންދާކަމަށް އިމްރާން ވިދާޅުވެފައިވެއެވެ.
Ikhlaastherikamaaeku RY salaamaiy kurumah ulhuhvaa beyfulhunnahvure, leadeship gai ginaee ehen maqsadheh haasilkurahvan ulhuhvaa beyfulhunkan ehdhuvahun anehdhuvahah haamavaa mivaru boduvamun eba dhe’eve.
— Imran Abdulla (@ShimranAb) February 3, 2023
އިމްރާނަކީ ރައީސް ޔާމީނާއި އިދިކޮޅު ޕީޕީއެމް/ޕީއެންސީ އަށް ވަރަށްބޮޑަށް ފާޑުވިދާޅުވާ ބޭފުޅެކެވެ. ރައީސް ޔާމީންގެ ވެރިކަމުގައި މެއިޑޭގައި ކުރި މުޒާހަރާއަކާ ގުޅިގެން އިމްރާން ޖަލަށްލިއެވެ. އޭނާ ޖަލުން ސަލާމަތްވީ ރައީސް ޔާމީންގެ ވެރިކަން ނިމުނީމައެވެ. އެއާއެކު އިމްރާން ވެފައިވަނީ ރައީސް ޔާމީނާ ވަރަށްބޮޑަށް ދެކޮޅު ބޭފުޅަކަށެވެ.
ކޮމެންޓު ފޮނުވާ