ފޮރިން މިނިސްޓަރު އަބްދުﷲ ޝާހިދު, ސްރީލަންކާގެ ކުރީގެ ބޮޑުވަޒީރު މަހިންދަ ރާޖަޕަކްސަ އާ މިއަދު ބައްދަލު ކުރައްވައިފިެވެ.
ފޮރިންގ މިނިސްޓްރީން ބުނެފައިވަނީ ޝާހިދު ރާޖަޕަކްސައާއެކު ބޭއްވި ބައްދަލު ކުރެއްވުމުގައި އެކި ދާއިރާތަކުން ދެގައުމުގެ ގުޅުން އިތުރަށް ބަދަހި ކުރުމާއި ގުޅޭގޮތުން މަޝްވަރާ ކުރައްވާފައި ވާކަމުގައެވެ.
މި ބައްދަލުވުމަށްފަހު ޝާހިދު ކުރެއްވި ޓުވީޓުގައި ވިދާޅުވެފައިވަނީ، ރާޖަޕަކްސައާއެކު ބޭއްވުނު ބައްދަލުވުމުގައި، ދެގައުމަށް ފައިދާހުރި ރަގަޅު މަޝްވަރާތަކެއް ކުރެވިފައި ވާކަމުގައެވެ. އަދި ދެގައުމުގެ ދެމެދުގައި އޮތް ގާތް އެކުވެރި ގުޅުމަށްޓަކާ އުފާ ކުރައްވާކަމަށްވެސް ޝާހިދުގެ ޓުވީޓުގައި ވިދާޅުވެފައި ވެއެވެ.
Had a good discussion with former Prime Minister of Sri Lanka @PresRajapaksa on issues of mutual interest for our countries.
The #Maldives is grateful for the strong bond of friendship between our two nations. pic.twitter.com/QWoB64j2Kw
— Abdulla Shahid (@abdulla_shahid) February 3, 2023
ޝާހިދު ސްރީ ލަންކާއަށް ކުރައްވަމުން ގެންދަވާ ދަތުރުފުޅަކީ ސްރީ ލަންކާގެ ޚާރިޖީ ވަޒީރު އަލީ ސަބްރީގެ ދައުވަތަކަށް ކުރައްވަމުން ގެންދަވާ ދަތުރުފުޅެކެވެ. އަދި ޝާހިދު ވިދާޅުވެފައިވަނީ މިއީ ލަންކާގެ މިނިވަން ދުވަހުގެ މުނާސަބަތުގައި ބާއްވާ ހަރަކާތްތަކުގައި ބައިވެރިވެވަޑައިގަތުމަށް ކުރައްވާ ދަތުރުފުޅެއް ކަމުގައެވެ.
މިދަތުރުފުޅުގައި ޝާހިދު ސްރީ ލަންކާގެ ރައީސްގެ އިތުރުން އެގައުމުގެ ބޮޑުވަޒީރު ދިނޭޝް ގުނަވަރުދަނާއާއި ބައްދަލު ކުރެއްވުމަށް ވަނީ ހަމަޖެހިފައެވެ. ޝަހިދާއެކު މި ދަތުރުފުޅުގައ ފޮރިންގ މިނިސްޓްރީގެ ބައެއް އިސްވެރިންވެސް ވައިވެރިވެ ވަޑައިގަންނަވައެވެ.
