ބޮލީވުޑްގެ މަޝްހޫރު ބަތަލާ ޝިލްޕާ ޝެޓީގެ ކޮއްކޮ ޝަމިތާ ޝެޓީ އާއި އެކްޓަރު އާމިރު އަލީ އުޅެނީ ލޯބީގެ ގޮތުން ގުޅިގެން ކަމަށް މުނިފޫހި ފިލުވުމުގެ ހަބަރުތަށް ގެނެސްދޭ ނޫސްތަކުން ރިޕޯޓްކޮށްފިއެވެ.
ޝަމީތާ އަކީ ބޮލީވުޑްއިން މާބޮޑު ކާމިޔާބެއް ހޯދުނު ބަތަލާއެއް ނޫނެވެ. ކެރިއަރުގެ ކުރީކޮޅުގައި ކުޅޭނެ ފިލްމް ލިބުންނަމަވެސް ފަހުން ފަހުން އައިސް އޭނާ ވަނީ ކުޅޭނެ ފިލްމް އެެއް ނުލިބި ބޮލީވުޑް ދޫކޮށްލައިފއިއެވެ.
ދައްތަ ޝިޕްލާ އާއި ހިލާފަށް ޝަމީތާގެ ކެރިއަރަށް މިހާރު ވަނީ ނިމުން އައިސްފައިއެވެ. ބޮލީވުޑް އިން މަސައްކަތެއް ނުލިބުމުން ޝަމީތާ ވަނީ ޓީވީ އިންޑަސްޓްރީގައި މަސައްކަތް ކުރަން ފަށާފައިއެވެ. އެގޮތުން ބައެއް ރިއަލިޓީ ޝޯވ ތަކުގައި ހިއްސާ ވަމުން އަންނަ ޝަމީތާއަކީ މީޑިއާ އާއި ވަރަށް ބީރައްޓެހި މީހެކެވެ.
View this post on Instagram
ހާއްސަކޮން އޭނާގެ ލަވް ލައިފް އަދި ޕާސަނަލް ދިރިއުޅުންވެސް އޭނާ ގެންގުޅެނީ ވަރަށް ޕްރައިވެޓް ކޮންނެވެ. އެންމެ ފަހުން ޝަމީތާ ގެ އަޑު ގަދަވެގެން ދިއައީ އޭނާގެ ހަޔާތަށް ޓީވީ ތަރިއަކު އައުމާއި ގުޅިގެންނެވެ.
އެގޮތުން އޭނާ އާއި އެކްޓަރު ބުޕޭޝް ގެ ލޯބީގެ ވާހަކަ އަކީ ނޫސްތަކުގެ ފަލަސުރުހީން ޖާގަ ހޯދި ވާހަކައެކެވެ. އެދެމީހުން ބައްދަލުވީ ބިގްބޮސް ގެ ގެއިންނެވެ. ނަމަވެސް މާގިން ދުވަހަކު އެގުޅުން ދެމިއެއް ނޯތެވެ. އެމީހުން ރުޅިވިކަން އިއުލާން ކުރި ފަހުން ޝަމިތާ ފެނިގެން ދަނީ އެހެން ޓިވީ ތަރިއެއް ކަމުގައިވާ އާމިރު އަލީ އާއި އެކުގައިއެވެ.
View this post on Instagram
ސިލްސިލާ ޑަރާމާ ތަކުން މަގުބޫލު ކަން ހޯދައިފައިވާ އާމިރަކީ ބޮލީވުޑްގެ ބައެއް ފިލްމް ތަކުންވެސް ފެންނަ އެކްޓަރެކެވެ. އަދި ހަމަ އެހެންމެ އާމިރަކީ ޓިވީ ބަތަލާ ސަަންޖީދާ ޝޭހްގެ ކުރީގެ ފިރިމީހާއެވެ. އެމީހުން 9 އަހަރުވީ ކައިވެނި ރޫޅާލީ 2021 ވަނަ އަހަރުގައިއެވެ.
ޝަމިތާ އާއި އާމިރު ލޯބީގެ ގޮތުން ގުޅިގެން އުޅޭކަމަށް އަޑު އެރިނަމަވެސް ދެމީހުން ކުރެ އެއްވެސް މީހަކު އަދި މިކަމަށް ޖަވާބެއް ދީފައިއެއް ނުވެއެވެ. ނަމަވެސް ބައެއް ޕާޓީ ތަކުން ވެސް ދެމީހުން އެކުގައި އަންނަނީ ފެންނަމުންނެވެ. އެހެން ކަމުން މި ދެމީހުން މިހާރު އުޅެނީ ރައްޓެހިވެގެން ކަމަށް މީޑިއާއިން އަންނަނީ ބުނަމުންނެވެ.
