ބޮލީވުޑްގެ ފިލްމް ތަށް ބޮއިކޮޓް ކުރުމުގެ ވަރުގަދަ ސިއްސިލާއެއް މިހާރު ހިންގަމުން އަންނަ އިރުގައި މިކަމުގެ ސަބަބުން ދޭނެވޭ އަސަރު ފޯރާ އެއްބަޔަކީ ފިލްމީ ތަރިންނެވެ.
މިދިއަ އަހރުގައި ގިނަ ފިލްމް ތަކެއް ގައި ފްލޮޕް ބޯޑު އަޅުވައިފައިވާއިރުގައި، ބޮލީވުޑްގެ މަޝްހޫރު ބަތަލާ ކަރީނާ ގެ ފިލްްމްއަކަށް ރިލީޒްވި ހަމައެކަނި ފިލްްމްވެސް ބަލަން ވަންނާނެ މީހަކުނުވިއެވެ.
ކަރީނާ ފިލްްމް ކަމުގައިވާ "ލާލް ސިންގް ޗައްޑާ" ރިލީޒް ކުރާ ތާރީހް އިއުލާން ކުރުމާއި އެކުގައި ސޯޝަލް މީޑިއާގައި ފިލްމް ބޮއިކޮޓް ކުރުމަށް ގޮވައިލާ ބޮޑު ކެމްޕެއިންއެއް ފެށިއެވެ. މި ކެމްޕޭންގެ ސަބަބުން ފިލްމް ވެގެން ދިއައީ ނާކާމިޔާބު ފިލްމް އަކަށެވެ.
އާމިރު ހާން އާއި ކަރީނާ ލީޑުން ފެނިގެންދިއަ ފިލްމް ބަލަން ވަންނާނެ މީހަކު ނުވުމުން ބޮކްސް އޮފީގައު ފިލްމެއް ނުހިނގިއެވެ. ފިލްްމ ބޮއިކޮޓް ކުރުމަށް ގޮވާލުމާއި އެކުގައި އާމިރު ނުކުމެ ވަނީ ފިލްމް ބަލަން ދިއުމަށް އެދި އާދޭސް ކޮށްފައިއެވެ. އަދި ކަރީނާވެސް ވަނީ ފިލްްމ އަކީ މޮޅު ރީތި ފިލްމްއެއް ކަމަށް ބުނެ ފިލްމް ބެލުމަށް ގޮވައިލާފައިއެވެ.
View this post on Instagram
ނަމަވެސް ސޯޝަލް މީޑިއާގައި ހިންގި ބޮއިކޮޓް ކެމްޕެއިން ވަރުގަދަވެ ފިލްްމ ފްލޮޕް ވުމުން އާމިރު ހާން ވަނީ އެކަމުގައި ހިތާމާގައި ފިލްމް ކުޅުމުން ޗުއްޓީއެއް ވެސް ނަގައިފައިއެވެ.
ބޮއިކޮޓްގެ މައްސަލައިގައި ވާހަކަ ދައްކަމުން ކަރީނާ ބުނީ ފިލްމް އަކީ އިންޑިއާގައި މުނިފޫހި ފިލުވުމަށް އޮތް ގޮތް ކަމަށާއި ފިލްމް ބޮއިކޮޓް ކުރުމުން ދެން މުނިފޫހި ފިލުވުމަށް މީހުން ކުރާނީ ކޮންކަމެއްތޯ އަހައި އޭނާ ވަނީ ސުވާލު އުފައްދައިފައިއެވެ.
ނަމަވެސް މީގެ ކުރިން ކަރީނާގެ ފިލްމްތަށް ހިޓުވި ދުވަސްވަރުގައި ވާހަކަދައްކަމުން ކަރީނާ ވަނީ ފިލްމް. ބަލަން ބޭނުން ނޫން މީހުން ބަލަން ނުދާނީއެ ބުނެ ބެލުންތެރިންނަށް މަލާމާތް ކޮށްފައިއެވެ.
View this post on Instagram
ދެކުދިންގެ މަންމަ ގެ ކުރިއަށް ބޮޑެތި ޕްރޮޖެކްޓް ތަކެއް އެބަހުއްޓެވެ. އެންމެ ފާހަގަ ކޮށްލެވެނީ ވަރަށް އަވަހަށް ޝޫޓިން ފެށުމަށް ތައްޔާރު ވަމުން އަންނަ ފިލްމް "ދަ ކުރޫ"އެވެ.
