އަންނަ މަހުގައި ސިނަމާތަކަށް ގެނައުމަށް ތާވަލް ކޮށްފައިވާ ފިލްމް "ބީވީމާ" ގެ ތީމް ލަވަ އާންމުކޮށްފި އެވެ.
ފިލްމު "ލީނާ" އާއި "އަނދިރިކަން" އަދި "ވީބޭވަފާ" ފަދަ ފިލްމުތަކުގެ ސްކްރީން ޕްލޭ ލިޔެދީފައިވާ މަޝްހޫރު ސްކްރީން ރައިޓަރު އަހުމަދު ޒަރީޒުގެ ފުރަތަމަ ޑައިރެކްޝަން "ބީވީމާ" އަކީ މަޝްހޫރު ލަވަކިއުންތެރިއާ މަރިޔަމް އަޝްފާ އެކްޓިންގެ ދާއިރާ އަށް ނުކުންނަ ފިލްމް އެވެ.
މި ފިލްމްގެ ތީމް ލަވަ ކިޔައިފައިވަނީ އަޝްފާ އާއި އެކު ޝަލަބީ އިބްރާހީމެވެ. ލަވައިގެ ޅެން ލިޔުނީ ފިލްމުގެ ސްކްރީންޕްލޭ ލިޔެ، ޑައިރެކްޓް ވެސް ކުރި އަހުމަދު ޒަރީރެވެ. ލަވައިގެ މިއުޒިކާއި މެލޮޑީ ހެދީ މުނާޒް ޒުބައިރުއެވެ.
އަންނަ ފެބްރުއަރީ މަހު އޮލިމްޕަސް ސިނަމާ އަށް ގެންނަން ނިންމާފައިވާ މި ފިލްްމަކީ ކޯވިޑްގެ ވަބާއަށް ފަހު އޮލިމްޕަސް މަރާމާތު ކުރުމަށްފަހު ހުޅުވާލާ ފިލްމްވެސްމެއެވެ. ޑާކް ރެއިން އެންޓަޓައިންމަންޓްގެ ކުޑައިގެދަށުން ގެނެސްދޭ މިފިލްމަކީ މަޝްހޫރު ލަވަކިޔުންތެރިޔާ އަޝްފާ އެކްޓިން އަށް ނުކުންނަ ފިލްމެވެ.
ފެބްރުއަރީ މަހުގެ 6 ވަނަ ދުވަހު ސިނަމާތަކަށް ގެންނަން ހަމަޖެހިފައިވާ މި ފިލްމުގެ ޓިކެޓް ބުކިންނަށް ވެސް މިހާރު ވަނީ ހުޅުވާލައިފައެވެ. "ބީވީމާ" އަކީ މުހައްމަދު އަލީ (މޮގާ) އާއި އޭނާގެ އަންހެނުން އައިޝަތު ފުއާދު ތައުފީގް ޕްރޮޑިއުސްކުރާ ފިލްމެކެވެ.
