މިހާރު ކުރިޔަށްދާ އެމްޑީޕީގެ ރިޔާސީ ޕްރައިގެ ވޯޓުގައި، ހޯޑެއްދޫގައި ލިސްޓުގައި ނަން ނެތް މީހުން ވޯޓުލާފައިވާ ކަމަށް ބުނެ އެރަށުގައިވެސް ކުރިޔަށްދާ ވޯޓުލުން ހުއްޓުވައިފިއެވެ.

އެމްޑީޕީގެ މަޑަވެލި ދައިރާގެ މެމްބަރު ކުރެއްވި ޓުވީޓެއްގައި ވިދާޅުވެފައިވަނީ، ލިސްޓުގައި ނަން ނެތް 4 މީހަކު ވޯޓު ލާފައިވަނީ އޮފިޝަލުންނަށް ދައްކާފައިކަމަށް ނަޝީދުގެ ފަރާތުން ވޯޓު ފޮށި ކައިރީގައި ތިބި މަންދޫބުން މައުލޫމާތު ދީފައި ވާކަމުގައެވެ.

އަދި އޭނާވަނީ އެ މީހުންގެ ނަންތައްވެސް ޓުވީޓު ކޮށްފައެވެ.

Hoandedhoo fottah, fosheege official ah dhakkaafa 4 meehaku vote li kamah alhugandumenge mandhoobunnah faahaga vefai vey. @MDPSecretariat pic.twitter.com/NxXiIN8BPD

— Hussain Firushan 🇲🇻 (@husnfirey) January 28, 2023

ފިރުޝާން ކުރިން ކުރި ޓުވީޓެއްގައި ވިދާޅުވެފައިވަނީ ލިސްޓުގައި ނަން ނެތް މީހުން އެރަށު ފޮށްޓަަށް ވޯޓު ލުމާއި ގުޅިގެން އެރަށުގެ ވޯޓުލުންވެސް ހުއްޓިފައި ވާކަމުގައެވެ.

މިއަދު ކުރިޔަށްދާ އެމްޑީޕީގެ ރިޔާސީ ޕްރައިމަރީގައި، ގދ. ގައްދޫގައިވެސް ހަމަނުޖެހުން ހިމގާ، ވޯޓު ކަރުދާސްތައް ވަނީ ހަލާކު ކޮށްލާފައެވެ.

ޚަބަރު އޮންލައިނަށް މައުލުމާތު ލިބިފައިވާ ގޮތުގައި ހަމަ ނުޖެހުން އުފެދުނީ ރައީސް ސާލިހަށް ތާއިދުކުރާ ފަރާތްތަކުން، ލާ ވޯޓުތައް ފޮޓޯ ނެގުމަށް ބޮޑި ކެމެރާ ވައްދާ ވޯޓު ފޮއްޓަށް ލާ ވޯޓު ފޮޓޯ ނަގަން ފެށުމާއި ގުޅިގެންނެވެ.

އަދި މިމައްސައާއި ގުޅިގެން އުފެދުނު ހަމަނުޖެހުންތައް ހައްލު ނުވުމާއެކު ނަޝީދަށް ތާއީދުކުރާ ފަރާތްތަކުންވަނީ ވޯޓުލާ މަރުކަޒުތެރެއަށް ވަދެގަނެ، މޭޒުތައް ފުނޑާލާ އަދި ވޯޓު ކަރުދާސްތައްވެސް ވީދާ ހަދާލާފައެވެ.

އެހެންނަމަވެސް ފުލުހުންގެ އެހީތެރިކަމާއެކު މިހާރު ވޯޓުލާ މަރުކަޒުން މީހުން ހުސްކޮށްފައިވާކަށް ވަނީ މައުލޫމާތު ލިބިފައެވެ. މައުލުމާތު ލިބެމުންދާ ގޮތުގައި ވޯޓުލުން މިހާރުވަނީ ހުއްޓުމަކަށް އައިސްފައެވެ.

މިއަދު ކުރިޔަށްދާ އެމްޑީޕީގެ ރިޔާސީ ޕްރައިމަރީގައި އެހެން ބައެއް ސަރަހައްދު ތަކުގައިވެސް ވަނީ ހަމަނުޖެހުން ހިނގާ، ވޯޓުންވެސް ފަސްކުރަން ޖެހިފައެވެ.

މިގޮތުން ވޯޓު ލުން ފެށިގެން ދިޔައިރު އިސްކަންދަރު ސްކޫލުގައި ހުރި ދުވާފަރު/އަލިފުށީ ފޮށީގެ ކައިރީގައިވަނީ ހަމަނުޖެހުންތަކެއް ހިނގާފައެވެ. އަދި ފޮށީގެ ކައިރީގައި އުފެދުނު ހަމަނުޖެހުންތައް ހައްލު ނުވެ، ވޯޓު ލާން ނުފެށި ވަރަށް ބޮޑަށް ލަސްވެގެންވެސް ދިޔައެވެ.