މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގައި، ގދ. ގައްދޫގައި ހަމަނުޖެހުން ހިމގާ، ވޯޓު ކަރުދާސްތައް ހަލާކު ކޮށްލައިފިއެވެ.
ޚަބަރު އޮންލައިނަށް މައުލުމާތު ލިބިފައިވާ ގޮތުގައި ހަމަ ނުޖެހުން އުފެދުނީ ރައީސް ސާލިހަށް ތާއިދުކުރާ ފަރާތްތަކުން، ލާ ވޯޓުތައް ފޮޓޯ ނެގުމަށް ބޮޑި ކެމެރާ ވައްދާ ވޯޓު ފޮއްޓަށް ލާ ވޯޓު ފޮޓޯ ނަގަން ފެށުމާއި ގުޅިގެންނެވެ.
އަދި މިމައްސައާއި ގުޅިގެން އުފެދުނު ހަމަނުޖެހުންތައް ހައްލު ނުވުމާއެކު ނަޝީދަށް ތާއީދުކުރާ ފަރާތްތަކުންވަނީ ވޯޓުލާ މަރުކަޒުތެރެއަށް ވަދެގަނެ، މޭޒުތައް ފުނޑާލާ އަދި ވޯޓު ކަރުދާސްތައްވެސް ވީދާ ހަދާލާފައެވެ.
އެހެންނަމަވެސް ފުލުހުންގެ އެހީތެރިކަމާއެކު މިހާރު ވޯޓުލާ މަރުކަޒުން މީހުން ހުސްކޮށްފައިވާކަށް ވަނީ މައުލޫމާތު ލިބިފައެވެ. މައުލުމާތު ލިބެމުންދާ ގޮތުގައި ވޯޓުލުން މިހާރުވަނީ ހުއްޓުމަކަށް އައިސްފައެވެ.
މިއަދު ކުރިޔަށްދާ އެމްޑީޕީގެ ރިޔާސީ ޕްރައިމަރީގައި އެހެން ބައެއް ސަރަހައްދު ތަކުގައިވެސް ވަނީ ހަމަނުޖެހުން ހިނގާ، ވޯޓުންވެސް ފަސްކުރަން ޖެހިފައެވެ.
މިގޮތުން ވޯޓު ލުން ފެށިގެން ދިޔައިރު އިސްކަންދަރު ސްކޫލުގައި ހުރި ދުވާފަރު/އަލިފުށީ ފޮށީގެ ކައިރީގައިވަނީ ހަމަނުޖެހުންތަކެއް ހިނގާފައެވެ. އަދި ފޮށީގެ ކައިރީގައި އުފެދުނު ހަމަނުޖެހުންތައް ހައްލު ނުވެ، ވޯޓު ލާން ނުފެށި ވަރަށް ބޮޑަށް ލަސްވެގެންވެސް ދިޔައެވެ.
އޭގެ އިތުރުން ތާޖުއްދީން ސްކޫލުގައި ހުރި ތިނަދޫ ދާއިރާގެ ވޯޓު ފޮށީގައި ވެސް ވަނީ މައްސަލަ ޖެހިފައި ވެއެވެ. އެ ފޮށީގައި ޖެހުނު މައްސަލައަކަށްވީ އެކި ދާއިރާތަކުގެ ވޯޓު އެއް ފޮއްޓަކަށް ލާން ހަމަޖައްސާފައިވުމެވެ. އޭގެ އިތުރުން މާލޭގައި ބެހެއްޓިފައިވާ ގއ. ވިލިގިލީ ވޯޓު ފޮއްޓަށް ލިސްޓުގައި ނަން ނެތް މީހަކު ވޯޓު ލީކަމުގެ ތުހުމަތާއެކު އެ ފޮށީގެ ކައިރީގައިވެސް ވަނީ ހަމަނުޖެހުންތައް ހިނގާފައި ވެއެވެ.
ތަފްސީލް އަންނަނީ..
