މަޝްހޫރު ލަވަކިއުންތެރިއާ ބިޔޯންސޭ އާއިލާއާ އެކީ ރާއްޖޭގައި ޗުއްޓީ ހޭދަކުރަމުން އެބަދެ އެވެ.
ބިޔޯންސޭ އާއި އޭނާގެ ފިރިމީހާ އަދި މަޝްހޫރު ރެޕާ ޖޭ-ޒީ އާއި އެމީހުންގެ ތިން ކުދިން ރާއްޖޭގައި ޗުއްޓީ ހެދަކުރަމުން އަންނަނީ ވޮލްޑޯފް އެސްޓޯރިއާ އިތާފުށީގަ އެވެ. އެދެމީހުންނަށް ފުރަތަމަ ދަރިއަކު ލިބުނީ 2012 ވަނަ އަހަރުގައިއެވެ. ދެން ލިބުނީ އެއްމާބަނޑު ދެކުދިންނެވެ. އެއީ އަންހެން ކުއްޖަކާ ފިރިހެން ކުއްޖެކެވެ. އެކުދިން ލިބުނީ 2017 ވަނަ އަހަރުގައިއެވެ.
އެމީހުން އައީ ޕްރައިވެޓް ޖެޓެއްގައި އެވެ. އަދި މިދަތުރުގައި އެމީހުންގެ ގިނަ އަދަދެއްގެ ބޮޑީ ގާޑުން ބައިވެރިވެފައިވާ ކަމަށްވެއެވެ. ނަމަވެސް އެދެމީހުން ކުރެ އެކެއްގެ ސޯޝަލް މީޑީއާއިންވެސް އެމީހުންގެ މިދަތުރުގެ އެއްވެސް ނިޝާނެއް ފެންނާކަށް ނެތެވެ. އެހެންވެ އެމީހުން ޗުއްޓީ ހޭދަކުރަމުންދަނީ ކޮން ރިސޯޓެއްގައި ކަމެއް ނޭގެއެވެ.
2021 ވަނަ އަހަރުގައިވެސް ބިޔޯންސޭ ވަނީ ރާއްޖޭގައި ޗުއްޓީ ހޭދަކޮށްފައިއެވެ. ރާއްޖެއަކީ ބޭރުގެ ސެލެބްރިޓީންގެ މެދުގައި ވަރަށް މަގުބޫލު މަންޒިލެކެވެ. އެއްފަރަށްވުރެ ގިނަ ފަހަރު ނަން މަޝްހޫރު ތަރިން ވަނީ ރާއްޖޭގައި ޗުއްޓީ ހޭދަކޮށްފައިއެވެ.
ކޮމެންޓު ފޮނުވާ