ތ. ވިލުފުށީ ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި ސައިޓް މޮބިލައިޒްކޮށްފިއެވެ.
މިމަސައްކަތް ޙަވާލުކޮށްފައިވާ އެމްޓީސީސީން ބުނީ ސައިޓް މޮބިލައިޒް ކޮށްފައިވަނީ 24 ޖެނުއަރީ 2023 ވަނަ ދުވަހުހަމަށެވެ. އަދި މިހާރު ކުރިއަށްދަނީ އީ.އައި.އޭ. މަސައްކަތްތައްކަމަށްވެސް އެމްޓީސީސީން ބުނެއެވެ.
ތ. ވިލުފުށީ ގޮނޑުދޮށް ހިމާޔަތް ކުރުމުގެ މަޝްރޫޢުގެ އަމަލީ މަސައްކަތް ފެށުމަށްޓަކައި، 24 ޖެނުއަރީ 2023 ވަނަ ދުވަހު ޕްރޮޖެކްޓް ސައިޓް މޮބިލައިޒްކޮށްފި. މިހާރު ކުރިއަށްދަނީ އީ.އައި.އޭ. މަސައްކަތްތައް.#MTCCProjects #RayyithungeKunfuni pic.twitter.com/5iuCfIdNhL
— MTCC Plc (@MTCCPlc) January 25, 2023
ވިލުފުށީ ގޮނޑުދޮށް ހިމާޔަތްކުރަން އެމްޓީސީސީއާ ހަވާލުކޮށްފައިވަނީ މިދިޔަ އަހަރުގެ މެއިމަހުގައެވެ.
ހައުސިން އެންޑް ޕްލޭނިން މިނިސްޓްރީގައި 2022، މެއި 12ވަނަ ދުވަހު ބޭއްވި ރަސްމިއްޔާތެއްގައި އެކަމުގެ އެއްބަސްވުންތަކުގައި މިނިސްޓްރީގެ ފަރާތުން ސޮއިކުރެއްވީ ޕާމަނަންޓް ސެކްރެޓަރީ ޒީނިއާ އަހުމަދު ހަމީދެވެ. އަދި އެމްޓީސީސީގެ ފަރާތުން ސޮއިކުރެއްވީ އެކުންފުނީގެ ސީއީއޯ އާދަމް އާޒިމެވެ.
ވިލުފުށީ ގޮނޑުދޮށް ހިމާޔަތްކުރުމުގެ މަޝްރޫއުގެ ދަށުން އެރަށުގެ ދެކުނު ފަރާތު ގޮނޑުދޮށުން 184 މީޓަރުގެ ރިވެޓްމަންޓް ޖެހުމާއި 135 މީޓަރުގެ ގްރޮއިން ގާއިމުކުރުން ކުރަން ހަމަޖެހިފައިވެއެވެ. މި މަޝްރޫއުގެ ދަށުން އެރަށުގައި މޫދަށް އެެރޭ ސަރަހައްދެއް ފުންކުރުންވެސް ރާވާފައިވެއެވެ.
ޖުމުލަ 11 މިލިއަން ރުފިޔާގެ މި މަޝްރޫއު އެމްޓީސީސީއާ ހަވާލުކުރީ 130 ދުވަހުގެ ތެރޭގައި ނިންމާ ގޮތަށެވެ.
