ރެއެއްގެ ދަންވަރު ހަތަރު ދަމުން ދިޔައިމަ ދެން ގޮވައްޗަށް އިއުލާން ކުރީމާ އެދެވުނީ ކަޑަޖެހުމުގެ އިތުރު މަރުހަލާއަކަށް ކަމުގައި އެމްޑީޕީގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގެ ކެމްޕޭންގައި މިހާރު އައްޑު އަތޮޅަށް ކުރައްވަމުން ގެންދަވާ ދަތުރުފުޅުގައި އެއަތޮޅު ފޭދޫއަށް ވަޑައިގެން، އެރަށުގެ އެމްޑީޕީގެ ސަޕޯޓަރުންނާއި ބައްދަލުކުރައްވާ ވާހަކަ ދައްކަވަމުން ނަޝީދު ވިދާޅުވީ ކޮންމެ އިންތިޚާބެއްގައިވެސް ގޯތިތައް ދެވެމުން ދާ ކަމަށާއި، ކޮންމެ އިންތިޚާބެއްގައިވެސް ދަންވަރު ގަޑީގައި ގޯތި ދޭނެކަމަށް ބުނަމުން ދިޔަނަމަވެސް ގޯތިތައްވެސް ހުރީ ކަނޑު އަޑީގައި ކަމުގައެވެ.
ދެން ރޭ ދަންވަރު 12 ޖަހާއިރު، ރޭގަޑު ދަންވަރު 12 ގެ ފަހުން.. ދެން އަޅުގަޑު ގާތުގަ މާމައާއި ގޭ މީހުން އަބަދުވެސް ބުނޭ، ދަންވަރު ކުރާނީ ފޮއްޓެއް ފަޅާލުމުގެ މަސައްކަތޭ. ރެއެއްގެ ދަންވަރު ހަތަރު ދަމުން ދިޔައިމާ ދެން ގޮވައްޗަށް އިއުލާން ކުރީމާ އަޅުގަޑަށް ހީވަނީ އަޅުގަޑުމެން އެންމެންވެސް ހިތައް އަރާނެ މިހިރީ ކަޑަ ޖެހުމުގެ އިތުރު މަރުހަލާއަކަށް އުފުލިފައޭ. އަނެއްކާ މި ގޯތިތައް ދެވެމުން އެބަދޭ ކޮންމެ އިންތިޚާބެއްގަ. ކޮންމެ އިންތިޚާބެއްގައި ދަންވަރު އެބަ އިއުލާން ކުރޭ، އަދި ގޯތި ދޭނަކަމަށް އެބަ ބުނޭ. އެގޯތި އަދި ހުރީ ކަނޑު އަޑިގައި.
އިތުރަށް ނަޝީދު ވިދާޅުވީ ހުރިހާ ސިޔާސީ ލީޑަރުންނަށްވެސް ދަވަންނަވަން ބޭނުންވަނީ ރާއްޖެއަކީ ގްރޭޑް 10 އާއި ހަމައަށް ތައުލީމު ހާސިލްކުރުން ލާޒިމް ގައުމެއް ކަމަށާއި، އެބީދައިން ރައްޔިތުންނާއި މެދެ ދުށުމަކީ ނިމަކެތި ކަމެއް ކަމަށެވެ.
ނަޝީދު ވިދާޅުވީ ދަންވަރު 12ގެ ފަހުން ދިވެހިން ކުރާން ދަންނަނީ އެންމެ ކަމެއް ކަމަށާއި ދަންވަރު ގޯތި ދޫކުރުމަކީ އޭގެ ތެރޭގައި ހިމެނޭ ކަމެއް ނޫކަމަށްވެސް ނަޝީދު ވިދާޅުވިއެވެ.
މި އެއްވުމުގައި ނަޝީދު ވިދާޅުވީ ރާއްޖެ ބަދަލުކުރުމުގެ އެންމެ ބޮޑެތި ހިއްސާ ދާރުންނަކީ ފޭދޫގެވެސް އަދި އައްޑޫގެވެސް ރައްޔިތުން ކަމުގައެވެ.
މިހާރު ކުރިޔަށްދާ އެމްޑީޕީގެ ރިޔާސީ ޕްރައިމަރީގެ ކެމްޕޭންގައި ނަޝީދު މިހާރު ދަތުރު ކުރައްވަމުން ގެންދަވަނީ އައްޑޫ އަތޮޅުގެ ރަށްތަކަށެވެ. އެއަށްފަހު ނަޝީދު ފުވައްމުލަކަށް ވަޑައިގަތުމަށް ވަނީ ހަމަޖެހިފައެވެ.
އެމްޑީޕީގެ ރިޔާސީ ޕްރައިރީގެ ވޯޓުލުން ބޭއްވުމަށް ހަމަޖެހިފައިވަނީ އަންނަ ހޮނިހިރު ދުވަހުއެވެ.
