ޓްރާންސް މޯލްޑިވިއަން އެއާވޭސް (ޓީއެމްއޭ)ގެ ސާރވޭ ހެކްކޮށް ގިނަ ޢަދަދެއްގެ މަޢުލޫމާތު ނަގައިފިއެވެ.
މަޝްހޫރު ހެކަރުންގެ ގްރޫޕް ރެންސަމް ހައުސްއިން ބުނީ، ޓީއެމްއޭ ހެކްކޮށް 350 އަށްވުރެ ގިނަ ޖީބީގެ ޑޭޓާ ވަގަށްނަގާފައިވާކަމަށެވެ. އެގްރޫޕުން ވަނީ އަދި ޑޭޓާގެ ސައްހަކަން ދެއްކުމަށް ސާމްޕަލް ޑޭޓާތަކެއްވެސް ޢާންމުކޮށްފައިވެއެވެ. މިކަމާއި ގުޅޭގޮތުން ޓީއެމްއޭއިން އެއްވެސް އެއްޗެއް ހާމަކޮށްފައެއް ނުވެއެވެ.
ދުނިޔޭގެ އެންމެ ބޮޑު ސީޕްލޭން އެޕަރޭޓަރ ޓީއެމްއޭ އިން އަހަރަކު މިލިއަނަކަށްވުރެ ގިނަ ފަސިންޖަރުން ދަތުރުކުރެއެވެ. އެހެންކަމުން މައުލުމާތުތަކެއް ލީކް ކޮށްފިނަމަ ގިނަ ބައެއްގެ ޒާތީ މައުލޫމާތު ހުރުން އެކަށީގެންވެއެވެ. ނަމަވެސް ވަގަށް ނަގާފައިވަނީ ކޮން މަޢުލޫމާތުތަކެއްކަމެއް ނޭނގެއެވެ.
ޓީއެމްއޭއިން ރާއްޖޭގެ 80އަށްވުރެ ގިނަ ރިސޯޓަށް ދަތުރުކުރެއެވެ.
