ޓޮމް ހެޑެލްސްޓޮންގެ ފިލްމު "ދަ ނައިޓް މެނޭޖާ"ގެ ރިމޭކް ގެ ފަސްޓްލުކް ދައްކާލައިފި އެވެ.
"އާޝިގީ 2″ އިން ބޮޑޫ މަގުބޫލު ކަމެއް ހޯދި އަދިއްތިޔާ އާއި އެކުގައި މިގެން ފެނިގެންދާނީ މަޝްހޫރު އެކްޓަރު އަނިލް ކަޕޫރެވެ. މީގެ ފަސްޓް ލުކް މިހާރު ދައްކައިލައިފައިވާއިރުގައި މިއީ ޑިޒްނީ ޕްލަސް ހޮޓްސްޓާ އަށް ހަދަން ނިންމާފައިވާ މި ސީރީޒްއެކެވެ.
މީގެ ހަތް އަހަރު ކުރިން ބީބީސީ ވަން އިން ގެނެސްދިން މަގުބޫލު ސިލްސިލާގެ ރިމޭކެއް ހަދާއިރުގައި މި ސިރީޒް ކުޅުމަށް އެންމެ ފުރަތަމަ ވާހަކަ ދެކެވުނީ އާމިރް ހާންއާއި އެކުގައިއެވެ. ނަމަވެސް އެއްބަސް ވުމަކަށް ނާދެވުމުން ފަހުން ރިތިކް ރޯޝަން އާއި އެކުގައި ފިލްމް ހެދުމަށް ވާހަކަ ތަކެއް ދެކެވުނެވެ. ނަމަވެސް ރިތިކްގެ އެހެން ތާރީހް ތަކަކާއި ފުށު އަރާތީ އޭނާ މި ސީރީޒް ދޫކޮށްލީއެވެ.
ސަންދީޕް މޯދީ ޑައިރކްޓް ކުރާ މި ސީރީޒްގެ ކާސްޓުގައި ސޮބީތާ ދުލިޕާލާ، ޓިލޮތާމާ ޝޯމް، ސަސްވަތާ ޗެޓަޖީ، ރަވީ ބޭލް، އަރިސްތާ ސިންގް މެހެތާ، އާކާޝްދީޕް ސަބީރް، ޝްރެނިކް އަރޯރާ އަދި ރޭޝް ލާމްބާ ހިމެނެއެވެ.
View this post on Instagram
މީ އަދިއްތިޔާ އާއި އަނިލް އެކުގައި މަސައްކަތް ކުރާ ދެވަނަ ޕްރޮޖެކްޓެކެވެ. މީގެ ކުރިން މި ދެތަރިން އެކުގައި ވަނީ 2020 ވަނަ އަހަރުގެ ފިލްމް "މަލަންގް" ގައި މަސައްކތް ކޮށްފައިއެވެ.
މި ސީރިޒް އަކީ ސްޕައި ތްރިއަލާ އެކެވެ. "ދަ ނައިޓް މެނެޖާ"ވެގެން ގޮސްފައިވަނީ ބޮޑު ހިޓަކަށެވެ. މި ފިލްމު ވަނީ 74 ވަނަ ގޯލްޑެން ގްލޯބް އެވޯޑްގައި ގިނަ އެވޯޑްތަކެއް ހާސިލް ކޮށްފައެވެ.
