މިދިއަ އަހަރުގެ ނޮވެމްބަރު މަހުގެ 6 ވަނަ ދުވަހުގައި އަލަތު ދަރިފުޅު ލިބުން ބޮލީވުޑްގެ ދެ ތަރިން ކަމުގައިވާ އާލިއާ ބަޓް އާއި ރަންބީރު ކަޕޫރުގެ އެދުމަކީ ދަރިފުޅު ބޭރުތެރެއިން ފެނުން ކަމުގައިވީނަމަވެސް އެކުއްޖާގެ ފޮޓޯ ނަގައި ސޯޝަލް މީޑިއާގައި ވައިރަލް ނުކުރުން ކަމަށް އެމީހުން ބުނެފިއެވެ.

މިފަހުން މުމްބައިގައި މީޑިއާ އަދި ޕަޕަރާޒީންނަށް މިދެފިރިންގެ ވަނީ ހާއްސަ ދައުވަތެއް ދީފައިއެވެ. އެމީހުންނާއި އެކުގައި ބޭއްވުނު ކުޑަ ބައްދަލު ވުމެއްގައި އާލިއާ އާއި ރަންބީރު ވަނީ އެމީހުންގެ ދަރިފުޅު ރާހާގެ ފޮޓޯއެއް މީޑިއާއަށް ދައްކައިލައިފައިއެވެ. އަދި އެމީހުންގެ ދަރިފުޅުގެ ފޮޓޯ ނުނެގުމަށް ވަނީ ރިކުއެސްޓް ކޮށްފައިއެވެ.

މިބައްދަލު ވުމުގައި ރަންބީރުގެ މަންމަ ނީތޫ ވެސް ބައިވެރިވިއެވެ. އަދި ނޫސްވެރިންނަށް ވަނީ މުމްބައިއަށް ހާއްސަ ކެއުމެއް ކަމުގައިވާ ޗާޓް ވެސް އެމީހުންނަށް ދީފައިއެވެ.

 

View this post on Instagram

 

A post shared by Alia Bhatt 💛 (@aliaabhatt)

ރަންބީރު އަދި އާލިއާ ވަނީ އެމީހުންގެ ދަރިފުޅު ބޭރުތެރެއިން ފެނުން ކަމުގައި ވިޔަސް އެކުއްޖާގެ ފޮޓޯ ނަގައި އެފޮޓޯތަށް ވައިރަލް ނުކުރުމަށް އެދިފައިއެވެ. އަދި އެމީހުން ނޯ ޕިކްޒާ ޕޮލެސީއަށް ހުރިހާ މީހުން އެއްބާރުލުން ދިނުމަށް ވަނީ އެދިފައިއެވެ.

ބޮލީވުޑްގެ ތަރިންގެ ތެރެއިން އެންމެ ބޮޑަށް ދަރިފުޅު މީޑީއާ އާއި ފޮރުވައިގެން އުޅުން އެއް ތަރިއަކީ އަނުޝްކާ ޝަރުމާއެވެ. އޭނާވެސް ޕަޕރާޒީން ގާތުގައި ދަރިފުޅުގެ ފޮޓޯ ނުނެގުމަށް އެދުނެއެވެ. ނަމަވެސް ފަހުން އެކުއްޖާގެ ފޮޓޯއެއް ވައިރަލްވެ އަނުޝްކާ ވަރަށް ހިތްހަމަ ނުޖެހުންވެސް ފާޅުކުރިއެވެ.

 

View this post on Instagram

 

A post shared by Alia Bhatt 💛 (@aliaabhatt)

ރަންބިރު އާއި އާލިއާ ކައިވެނި ކުރީ މިދިއަ އަހަރުގެ އެޕްރިލް މަހުގެ 14 ވަނަ ދުވަހު ހިންދޫ ދީނުގެ ސަގާފަތާއި އެއްގޮތްވާ ގޮތުގެ މަތިންނެވެ. އެމީހުންގެ ކައިވެނި ކުރެވިގެން ދިއައީ ވަރަށް ކުޑަ ހަފްލާއެގައި އާއިލާ އާއި އަދި ހަމައެކަނި ގާތް ރަހުމަތްތެރިންގެ ހާޒިރުގައިއެވެ. މި ކައިވެނި އޮތީ ރަންބީރުގެ އެޕާޓްމެންޓްގައިއެވެ.