އެމްޑަބްލިއުއެސްސީ އިން "ނަލަ ދުވާފަރު" ގެ ނަމުގައި ކުނި މެނޭޖް ކުރުމުގެ ކެމްޕޭނެއް ރ. ދުވާފަރުގައި އިފްތިތާހުކޮށްފިއެވެ.
މި ކެމްޕެއިން އިފްތިތާހުކޮށް ދެއްވީ އެމްޑަބްލިއުއެސްސީގެ މެނޭޖިން ޑިރެކްޓަރު ހަސަން ޝާހުއެވެ. މި ރަސްމިއްޔާތުގައި ދުވާފަރު ކައުންސިލާއި މުއައްސަސާތަކުގެ އިސްވެރިންގެ އިތުރުން މި ކުންފުނީގެ އެގްޒެކްޓިވް މޭނޭޖްމަންޓް ޓީމާއި މުވައްޒަފުން އަދި ރަށުގެ ރައްޔިތުން ވަނީ ބައިވެރިވެފައެވެ.
"ނަލަ ދުވާފަރު" ކެމްޕޭނަކީ އެމްޑަބްލިޔުއެސްސީއިން ދުވާފަރުގައި ދެމުން ގެންދާ ކުނި މެނޭޖްކުރުމުގެ ހިދުމަތްތައް އިތުރަށް ހަރުދަނާކޮށް ރައްކާތެރި ގޮތެއްގައި ކުނި ނައްތާލައި ދުވާފަރުގެ ރައްޔިތުން އެކަމަށް އަހުލުވެރި ކުރުވުމަށްޓަކައި އެ ކުންފުނިން ކުރިއަށްގެންދާ ކެމްޕެއިނެކެވެ.
މި ކެމްޕޭންގެ މައިގަނޑު މަގުސަދަކީ ދުވާފަރު ނަލަ، ސާފު ރަށެއްގެ ގޮތުގައި ބޭއްވުމާއި އަދި ރައްކާތެރި ގޮތުގައި ކުނި މެނޭޖުކުރުމަށް އިތުރަށް ފަސޭހަ ކޮށްދިނުން ކަމުގައި އެމްޑަބްލިއުއެސްސީ އިން ވަނީ ބުނެފައެވެ.
#NalaDhuvaafaru Beach Clean up event hosted by MWSC is in full swing! MD @hassanshaahu, management team along with Dhuvaafaru community and #TeamMWSC took part in this initiative.
The clean up event will focus on collecting accumulated waste at Dhuvaafaru Ekuveni Beach. pic.twitter.com/P6bI3oINKS
— Male' Water and Sewerage Company Pvt. Ltd. (@MWSC_Official) January 6, 2023
ދުވާފަރު ނަލަ، ސާފު ރަށެއްގެ ގޮތުގައި ބޭއްވުމަށް އަދި ރައްކާތެރި ގޮތުގައި ކުނި މެނޭޖްކުރުމަށްޓަކައި މި ކެމްޕޭނުގެ ތެރެއިން، ކުނީގެ ބާވަތްތައް ވަކިކުރުމަށް ޚާއްސަ ޑަސްބިންތަކެއް، ދުވާފަރުގެ ކޮންމެ ގޭބިސީއަކަށް ހަވާލުކުރެވިގެން ދާނެއެވެ. މީގެ އިތުރުން ދުވާފަރުގެ ރައްޔިތުންގެ މެދުގައި ކުނި މެނޭޖްކުރުމުގެ އުސޫލްތަކަށް އިތުރަށް އަހުލުވެރިކުރުމަށް، ޑޯ-ޓު-ޑޯ ކެމްޕެއިންވެސް ވަނީ ކުރިޔަށް ގެންގޮސްފައެވެ.
"ނަލަ ދުވާފަރު" ކެމްޕެއިން އިފްތިތާޙް ކުރުމުގެ ރަސްމިއްޔާތު ނިންމާލީ ދުވާފަރު ގޮނޑުދޮށް ސާފުކުރުމުގެ ޕްރޮގްރާމްއަކުންނެވެ. މި ޕްރޮގްރާމްގައި އެމްޑަބްލިޔުއެސްސީގެ މެނޭޖިން ޑިރެކްޓަރު ހަސަން ޝާހް އާއި، ކުނުންފުނީގެ އިސްވެރިންނާއި، މުވައްޒަފުންނާއި، ދުވާފަރުގެ ކައުންސިލް އާއި، މުއައްސަސާތަކާއި އަދި ދުވާފަރުގެ ރައްޔިތުންވެސް ވަނީ ބައިވެރިވެފައެވެ.
އެމްޑަބްލިއުއެސްސީ ގެ އަމާޒަކީ ރައްކާތެރި އަދި ދެމެހެއްޓެނެވި ގޮތެއްގައި ދުވާފަރުގައި ކުނި މެނޭޖުކޮށް ސާފު މާހައުލެއް ދުވާފަރުގެ ރައްޔިތުންނަށް ފޯރުކޮށްދިނުން ކަމަށް އެ ކުންފުނިން ބުނެއެވެ.
